الثلاثاء، ٢٩ ديسمبر ٢٠٠٩

My New sunglass

شفت هالنظاره على رفيجتي بسمه وعجبتني وااااايد لأن حجمها زين

و كان حزته كل النظارات كبار حييييييل يغطون نص الويه

عاد رحت وخذيت مثلها يعني طقمنا على قولة بسمه صرنا>>
فرحه ومرحه
عاد لاتسألوني منو فرحه ومرحه والله مأدري
هههههههههههههههههههههههههههههههههه
النظاره ماركة
Tiffany&Co

عاد إهيه كانت ماخذه اللون الأسود وانا خذيت اللون البني
وهذي صورت فرحه ومرحه واهمه قاعدين مع بعض
لوووووووووووووووووووووووول

مع تحياتي:

q8-lawyer

الجمعة، ٢٥ ديسمبر ٢٠٠٩

اجااااازة

السلام عليكم ورحمه الله
بما ان اجازة الكرسمس بدأت
باذن الله سوف نقضيها بمكان من الاماكن

وهنااااااك شررررط

اللابتوب لايكون من ضمن اغراض السفرة
لذلك سافتقدكم جميعا وسالقاكم بالوقت القريب

حكم الاوي لوووووووول

وسوف اوافيكم بتقرير عن هذه الاجازة عندما اعود بالسلامه

لوير حرصي على البلوق :)

ان شالله ماراح تقصر معاكم

بليييييز لااحد يدقق على اللغه ترا متعوووووووب عليها

استودعكم الله الذي لاتضيع ودائعه
كريزي

الخميس، ٢٤ ديسمبر ٢٠٠٩

الوضع يحز بالخاطر

فضفضه
ماادري شنو اقول بس حيل متضايقه على الوضع في الديرة يانااااس والله مافي مثل ديرتنا لو تعيشون بديره ثانيه تحسون بعيشتكم والله عيشتنا ترف ودلال وخيييييييييير ونعممممه واايد مو حاسين فيها الترف والدلال كويتنا الحبيبه اهي اللي مقدمته لنا ... احسها صج ام تدلل عيالها بقلبي كلالالالام واااايد بس بصراحه ماني عارفه شنو اقول وشنو اخلي اتوقع الي يقرى راح يفهم

من ناحيه ثانيه ولهت على ديرتي واهلي وامي بالاخص :( هذا اهداااااااء
اللهم استجب له ياااااااارب

الأربعاء، ٢٣ ديسمبر ٢٠٠٩

هديه على ستايل جيل الماك جيكن

هذاك اليوم كنت أتصفح مجلة الأسطوره
وشفت دعاية شوارفسكي للكرستاله إلي تعلق بالسياره
بصراحه عجبتني خصوصا إنه هابين فيها بالكويت
تقريبا كل السيايير معلقينه

وقلت لريلي عنه وإنه عاجبتني

مع إني ماأعتبر نفسي من جيل الماك جيكن

بس ماعليه هبه وحلوه

خخخخخخخخخخخخخ

>>>>>>>

وماقصر يابه لي هديه

وعلقها على سيارتي
عليها بالعافيه سيارتي
لوووووووووووووول
بس حسافه صورته بليل
الصبح شكلها أحلى
مع تحياتي:
q8-lawyer

عاصفه ثلجيه

مرحبا

يوم الاحد قعدنا وسويت لعائلتي الكريمه ريوووق

عبارة عن بطاط مع كريمه جاهزه بس حطيها بالفرن شغلي كله جاااااااهز لوووووول

زوووووم بعد الفرن مع ساندويتش بيض شايفه الطريقه بمنتدى كويتيات
وفجااااااااااااااااااه صارت عاصفه ثلجيه خفت بس تذكرت البلوق قلت لازم اصور وتجرأت وفتحت الدريشه وصورت نسيت الخوف لووووووووووول
رحت سويت ذااااااك العشى اللي يقووول اكلوني مع زياده 3 كيلو ههههههههه
مموش ربيان يااااااااابس
زووووووووووم
السلطه والتوااااابع
يعني بهضم بالجااي الاخضر خخخخخخخخخ
يوم الاثنين قالي ريلي ترا كاتبين تحت ورقه لازم نخم معاهم الثلج
عاط حاطين كرافات روحي انتي خمي انا مااقدر لان اداوم
!!!!!!!!!!
كريزي ارتفع الضغط عندهاااااااا وصل 180
قلت هذا اللي ناااقص اخم شوارعهم
انا شقتي مانظفتها .. اييب وحده تنظفها
قلت خلاص اذا يت فلنتينا
(اسم اللي تنظف لنا خووش وحده ياحليلها ... ادري مو موضوعنا بس حبيت اذكرها بالخير)
اقولها تنظف تحت بعد لووووووووول
في ناس راح تنقد وتقول ليش اييب وحده تنظفلي
وحابه اوضح ان عيالي الله يخليهم لي والمطبخ والانترنت هههههههههه ماخذين وقتي
وهذي صور الكرافات عند الباب لما رحت اييب ولدي من الحضانه
لازم نخم ونخلي درب للمار ههههههههههههههه
نفس هالصورة
اللي رفع ضغطي زيااااااااااده معطين ولدي بطاقه تهنئه بالكرسمس
وشمعه ماادري شنو الحكمه منها
وكاتبين اسمنا بعد
قوات عين خخخخخخخخخخخخخ
انا ماادري شنو مكتوب لان بالالماني وشافها ريلي وسالته شنو كاتبين
قال يدعونا للمسيحيه بطريقه غير مباشره
الله يكافي ولدي شرهم ويحفظه عنهم
العشى كان خفيف لان بالويك اند بدعنا
سلطه وساندويتش همبرجر مع بطاط
زوووووووم
بليل حلينا بكاكاو ميلكا
تشااااااااااو :)

الثلاثاء، ٢٢ ديسمبر ٢٠٠٩

ويك اند 19 ديسمبر

مرحبا هالويك كان الجو ثلج وبرررررررد مو طبيعي
طبعا مافي ريوق لان قعدنا متاخر ... وسويت الغدى
عباره عن كيكه العيش محشيه بحمسه مشرووم

زوووووم من داااااخل

مع سلطه خضرا وتوابع العيش
ملينا من القعده وقلنا نروح للمول ادفى لليهال
وكان زحمه وسيل قوي وكلمن يشتري عشان العيد نفس اسواقنا قبل العيد يصير السوق زحمه ونااااسه
قعدنا بكافيه ايطالي
طلبت وافل نوتيلا مع برد
وكابتشينو بس ماصورته خخخخخخخخخخ
هذا برد ولدي وطلبت من ريلي يشاركه عشان ياكل شوي منه خخخخخخخخ خدعه
طلعنا وهني بالسيارة الدرجه 10 تحت الصفر لوووووووووول
عند بيتنا لما رجعنا
شفت هذي الغلايه واعجبتني
لونها ازرق بس بعدين يتغير اللون لين بنفسجي واذا صار وردي يعني حار ...... تشووووق
العشى كان سلطه تونه وبيتزا جاهزة
هذي البيتزا فيها العجينه والصلصه وانا علي الباقي
حطيت فلفل بارد ومشروم وذرة وجبن مبشووووور
عليناااا بالعافيه
وتصبحون على خير :)

الاثنين، ٢١ ديسمبر ٢٠٠٩

أحلى كابتشينو

كابتشينو تروبيكانا سلم إدماني من 3سنوات صرت ماأستغني عنها بالبيت
وأنصح فيها حق إلي يسوي رجيم لأنها خاليه من السكر

وطبعا طريقته سهله بس نضيفله الماي الحار وطعمها حده لذيذ

ووااي على ريحته ودي أتبخر فيها من حلاته

((موأقولكم إدمان))

وتفضلوا ذوقوها>>>>

مع تحياتي:
q8-lawyer

السبت، ١٩ ديسمبر ٢٠٠٩

كبه لذيييييذه

امس كان الجوووو حييييييل باارد وقعدنا في البيت
قلت اسوي هالكبه وصورت طريقتها
نفرغ اللي بالجيس ونحط ماي بارد نخلطه عدل ونحط نص كيلو لحم مفروم نكوره والمفروض ينقلي بس انا افضل الفرن عن القلي حطيته باعواد مع فلفل بارد وطماط بالفرن ساعه الا ربع
سويت معاه عيش وشعريه وسلطه
زووووووووووووم
بعدها لازم الجاي الاخضر
لما دخلت المطبخ لقيت الدريشه لونها ابييييييض
فتحت الدريشه بليل وصورت الثلج
وتصبحون على خيييييير :)