الثلاثاء، 27 يوليو 2010

صديقتي الالمانيه

مساااء الخير
من فتره زارتني صديقتي المانيه بتينا وتكلمنا في اكثر من موضوع

انصدمت بصراحه من نظرة المراه الغربيه للمرأه الشرقيه او بالاخص الخليجيه
في البدايه عطتني مجله المانيه تتكلم عن دول الخليج العربي وصارلها 29 سنه
وصفت المجله انها انتيك :)

مع المجله صابونه الشاي الاخضر من فرنسا
الهديه كانت بسيطه وحلوة
وبعد ماعرفنا اخبار بعضنا دار بينا هذا الحوار"
كان باللغه الانجليزيه بس راح يكون مترجم :)

بعد ماتصفحت المجله قالت بتينا : تصدقين ان هذا دبي من ثلاثين سنه !!!!!!
كريزي : اي حتى الكويت بعد مو هذي صورتها حيل تغير المكان الحين
بتينا : اي الكويت قبل .. بس حاليا الكل يتكلم عن دبي
كريزي بعد ماقالت ماشالله بقلبها : اي انا زرت دبي ليوم واحد
بتينا : وين رحتي ؟؟
كريزي : اتلانتس و ....
قاطعتني بتينا وقالت منبهره : ناااااااااايس اتلانتس
حبيت اغير الموضوع وتمنيت الله يرزقنا والعالم تبنهر في ديرتنا

والله يحفظ دبي ولا يغير عليهم يااااارب
رجعت بتينا وسالت : ليش الخليجيات اهتمامهم الشوبينق وبس ؟؟ ماتحبون الطبيعه والورود والمتاحف
كريزي : منو قال ؟؟
بتينا : انتي من 3 سنين اعرفج ولا مرة سالتيني عن متحف والا حديقه زهور لوووووووووول
فشلتني :(

كريزي تبي ترقع الوضع : انا احب هذي الاماكن وعيالي مزعجين مايخلوني استمتع :(
بتينا : بالسوق يعني مايزعجونج هههههههه صااادوووه
كريزي رجعت تتكلم بجد : الخليجيات جامعيات ومثقفات وبنفس الوقت يحبون الاهتمام بنفسهم .. ..
بتينا بطنازة : وانتي شنو اللي بخاطرج غير جنطه شانيل وديور ؟؟؟؟؟؟؟

حسيت بمصخره وقلت : بخاطري اركب منطاد لووووووول
الحديث كان شيق وبالنهايه سالتني سؤال :

صحيح عندكم اكثر من عايله تسكن في بيت واحد ؟؟
كريزي : اي
بتينا تسال مستغربه : معقوله عايشين بسلام وبدون مشاكل ؟؟؟
كريزي : اي وبعضهم ياكلون مع بعض بالوجبات الرئيسيه

بتينا : الحين عرفت عندكم محد يشرب خمر ... لانكم مرتاحين في حياتكم العائليه
كريزي لاتعليق :)
بتينا : خلاص ابي اعيش عندكم لووووول
كريزي : تعالي احلى وقت برمضان والبسج دراعه وبخنق بالقرقيعان :)
الحديث استمر لمده 3 ساعات مروا بسرعه
وودعنا بتينا
وهذي صور تبين تاريخ المجله وبعض الصور داخلها

الخميس، 22 يوليو 2010

Cocktail

عندي صور مالها بوست قلت احطهم في بوست ويصير كوكتيل
ياحلو قطاوة الكويت :)

آيس كريم اسباجيتي حق رورو

آيس كريم لازانيا :)

اشتقت لتيرامسو ماكي :(
بالشتى وقت المغرب طلعت للجمعيه وشفت هالحيه :(
شنو تتخيلون شكلي هههههههه
بوتيك كارتييه بكولون بوقت الكرسمس
كيكه البرد اللي سوتها Pink Girl ميني توست من كافور فرنسا حيه في الغابات السوداء كانت مذبوحه
الثقه الزايده مو حلوة هههههههههه
سويت بيض وبالصدفه طلع هالشكل :)

والله طلعت فنانه

الأربعاء، 21 يوليو 2010

حركات

اول ماشفت هالجهاز وقفت وفي بالي الف سؤااااااااال
هل توفير عشان ماتوقف موظفه عند المحل تعرض العطر ويدفعولها زياده ؟؟؟؟
هل عشان مايناشبون اللي يمرون ويرشون لهم غصب .. في ناس فيها حساسيه وفي ناس مستعجله ...الخ
هل عشان اللي يخلص من الفود هول يمر يرش من ريحه الاكل ؟؟؟؟؟؟؟ انتو شرايكم ؟؟؟؟؟؟؟ تخيلت وحده عجبها العطر وشالت الجهاز معاها للبيت لوووووووول
ليش جبن لابشكيري نسميه جبن مثلث ؟؟؟؟؟؟؟

وليش جبن كيري مانسميه جبن مربع ؟؟؟؟؟؟؟؟

الاثنين، 19 يوليو 2010

WeekEnd part1

مسااااء الخييييير

وحشتووووونييييي .. الوايرلس مخرف عندي من الحر ههههههه
بما اني مشغوله هالفتره استعدادا لرمضان راح احاول انزل لكم عن طلعات الويك اند
اخر ويك اند كان مخصص للشوبينق
بدينا اليوم هني
احسه احلى من صب وي بواااااااايد
كانت الوجبه ريوق غدى هههههههه
وتوجهنا على طوووول منطقه الاولت ليت ........ وااايد احبها وشرحه
هذي صور بعض المحلات
فيها قهوة ايطاليه حلوة وقهاوي ثانيه
هذا يديد
استانسنا علييييييه يشووق
خذيت كميه من هذا حق الجنطه
بدال العلج ........... على قوله لوير تقولي اول بنت اشوفها ماتاكل علج
تلوووووووووووع جبدي من العلج ومحرمته في بيتي وعلى عيالي
انصح لزوار المانيا يمرون متسنقن حلوة للشوبينق
تبعد عن فرانكفورت ساعتين تقريبا .. تسوى العنوة
في اجزاء ثانيه بس ماادري شكثر :) تابعوني

الأربعاء، 14 يوليو 2010

طاعه وأناقه

هذا مشروع وحده من رفيجاتي
بصراحه عجبتني شلون فكرت تبدي بمشروعه
الله يوفقه يااااااارب
وتحت الخط هذا إيميله دزت لي مع الصور
---------------------------------
كنت دائماً اتسائل عن مدى تناقض غريب فى حياتنا وبالاخص فى صلاتنا واليكم بعضها: ليش ملابسنا متكدسه بالكبتات الى يالله تصكر عليهم؟ وماعندنا الا ثوب صلاة 1 او 2 اذا انغسل الاول لبسنا الثانى؟ ليش عندنا دراعه للعيد ودراعه لرمضان وبدلة استقبال واسواريه بينما عندنا ثوب صلاة حق كل المناسبات ولا بعد خامته قطن عاديه ململ ومنقطه جنه دراعة العجوز؟ ليش اذا بنقابل شخصية كبيره او عاديه اووكيل وزاره او شيخ نكشخ ونعدل الهندام ونلبس احلى ما عندنا لا ويمكن نطر من خواتنا او صديقاتنا بدله تليق بهالمقام السامي ونتعطر بالغالي لكن لما نقابل ملك الملوك العلي الكبير نلبس العادي وانتخمبق؟ بعد هالاسئلة فكرت اني اغير فكرت الحريم عن ثوب الصلاة وادخل عليه بعض اللمسات الحلوة والبسيطة والعملية واستخدم الخامات الراقية والغالية مثل الحرير والله ساعدني وبديت بنفسي وخواتي واعجبت الفكرة رفيجاتي اللي ما قصرو وساندوني وخواتي وبلشت بعد مباركة الله ثم الجميع ابمشروعي اليكم بعض الصور والاسعار معقوله الساده ب7 والمشير ب11 ومعاه كيس واذا تحبين سجادة وغطا مصحف ينفع هديه لوالدتج او خالتج حق رمضان اوهدية عروس اوحج وفي الحرير السبشل ما قدرت اصوره ب14 وشوفو الصور
طاعه وأناقه
للطلب تليفون
94001108
مع تحياتي:
q8-lawyer