السبت، 27 فبراير 2010

كريزي في اجازة

السلام عليكم ورحمه الله راح اغيب لفتره والسبب
رحله في مكان كل يوم احلم فيه
والحمدلله تحقق الحلم
المكان رووووعه والله يسهل رحلتي علي ياااارب
وان شالله راح ارجع في جعبتي الكثيييييير من البوستاات الحلوة والمشوووقه استودعكم الله الذي لاتضيع ودائعه

الخميس، 25 فبراير 2010

Happy National Day & Anniversary of Liberation Day

اقدم تهنئه لحضرة صاحب السمو امير البلاد وولي العهد حفظهم الله ولأهلي شعب الكويت الغااالي بمناسبه العيد الوطني وعيد التحرير

وبصراحه خذيت فره على المدونات الكويتيه
وماشالله الكل كاتب بوست بهذي المناسبه
شي يشرح الصدر
قلت وانا بعد لالالالالازم انزل بوست وابارك لكم من جيرمني :)
واسال الله ان يحفظ الكويت وشعبها من كل مكروه
ويحفظنا من شر الفتن ويديم علينا النعم والافراح والامن والايمان
وترحم شهدائنا الابرار وتسكنهم فسيح جنات
اللهم آآآآميييييين يااارب العاااااالمين

الأربعاء، 24 فبراير 2010

ZOO in winter & summer

السلام عليكم ورحمه الله وبركاته
صارلنا فترة علينا ثلج وبالويك اند اللي فات طلعنا رحنا لحديقه الحيوان

ملينا من قعده البيت

وهذي ثاني مرة اروحله لها

اول مرة كانت بالصيف وطبعا مع حديقه الحيوان .. في حديقه الزهور بس اتوقع بالصيف لاني لما رحت مالقيت زهور

وصورت الحديقه بالشتى

حبيته هههههه
الطاوووس جكيييييته
هالبطه شوقتني ومرة وصلني بالايميل انها اجمل بطه بالعالم
احب التااااايغر
اهداااااء الى شاي الضحى
لوووووووول
احب هاللعبه اخلص خردتي فيها
تقط الكوينز وتفتر لما تدخل قولو حصاله ليش تخلون الناس يلعبون
ههههههههههههههههههه
ودعونا هالام وعيالها
كلش ماتشبهني انا وعيالي لووووووووو
هني صور الحديقه بالصيف
اكثر الصور كانت شخصيه لان المناظر حلوة وتستاهل خلفيه للصور
هالطيور موجودين عند البوابه صيف وشتى
لقطات من حديقه الزهور
ركبنا القارب في البحيرة الصناعيه اللي بالشتى سكروهاااا
لوتلاحظون الصيييييف عندهم صييييف
والشتى عندهم شتى وبررررد
احنا مانعرف صيفنا من شتانا من غبارنا
الحمدلله ومااقول الا هذي جنتهم بالدنيا
وعندي استفسار ماله دخل بموضوعي شرايكم بالقالب اليديد ؟؟؟؟؟
اذا في اي ملاحظه قولولي
وشكرااااا جزيييييييلا

الاثنين، 8 فبراير 2010

هلا فبراير في غربتي

مسسسسسسساء الخييييير
طولت هالمرة على نزلت بوست :)

***************************************
بقولكم قصتي مع هلا فبراير
بدايه الغربه كانت سنه 2007 وكان عندي ولدي الله يحفظه وقعدت فترة طويله وطبعا التلفزيوون على طووووووول ولاتتغير القناة عن الكويت
حتى اذا اذن وكنت بتصل على اهلي اقول وقت صلاه خخخخخخخخ
بعد الصلاة اتصل عليهم لوووووول واذكر كان دايم يحطون اغنيه سنيار وولدي يرقص عليها واذا خلصت يبجي ويقول ابي بعد ....... وهقه مرات اقوله من قالك اشتغل بالتلفزيون ؟؟
كان قلبي يعورني لما اسمع يقولون
الله يرجعكم ترا فقدناكم وبعدها صار هلا فبراير وانا اتابع الافتتاح وقلبي طاااااير
مع اني لما كنت بالكويت ماادري عنه ولا اشوفه

صج المثل ماتعرف قيمه الشي الا لما تفقده وفعلا حسيت بعدها ان فبراير غيييييييير بالنسبه لي وفرحته غير بقلبي ودايم بهالشهر اذكر نعمه الاستقلال واذكر نعمه النفط واذكر نعمه التحرير
الحمدلله على هالنعم والله لايغير علينا
مااهتم لا بالتنزيلات ولا بالحفلات ولا بالامسيات مثل قبل اتغرب عن ديرتي
وكنت كل مااكلم امي اقولها ودي احط اعلام الكويت بشقتي ومن برى ابي الكل يدري ان هالشهر فرحه لكل الكويتيين حتى اللي بالخارج وطبعا انا احتريت من امي ههههههههه لانها بهالشهر تعلق اعلام على بيتنا وعلى سور البيت وعلى الشاليه
ولالالالالالازم يكووووون العلم حجمه كبييييييييييييير الله يطول بعمرها وطنيه
والظاهر خذيت هالطبع منها
وفي سر عن زوجي لما يشوفني جذي يضحك
اعصب اقوله مافيك ولاء ...... شكووو ملاحظه زوجي متعوده على الغربه من عمره 18 وصار هالشي عادي عنده وكنت حيييل اتضايق
بس الحمدلله طلعت ظالمه مشاعره الدفينه لوووووووول

***********************************************

وهالمرة قبل اتغرب وماكنت ادري متى ارجع بالضبط بس اللي متاكده منه
مو قبل شهر فبراير ولما عرفت هالشي امي شرتلي اعلالالالالالام ماقصرت الغاليه
ومن بدايه هلا فبراير رحت علقت اعلامي ونااااااااسه وصورتهم وقلت لولدي هذا علم الكويت
وصارت نشيده كل يوم احفظه هالكلمه واساله هذا علم شنو ؟؟؟؟؟؟؟

**********************************************
هني مدخل الشقه

هالعلم موجود من زمان فوق المكتبه

هذي دريشه غرفه ولدي

هني دريشه الصاله ولما دخل ريلي وشاف الاعلام استقبلنا بابتسااااااااااامه عريييييييضه قلت شنو السالفه ؟؟؟؟؟ اول مرة يرجع مبتسم من الدوام
قالي احس صدري انشرحت قلت من شنو ؟؟؟؟؟؟ ماكو فكه خخخخخخ وموراضيه استوعبت الامر قالي لما شفت علم الكويت قلت ماااااااااااااااااشالله والحمدلله فيك ولاء لووووووووووول
بعدها رقعت لنفسي وقلت لوادري جان اعلق بكل مكان علم الكويت
في النهايه اقوووووولكم حتى احنا عندنا هلا فبراير مو بس انتو :)
عسى يدوم الافراح والامان في الكويت
يااااااااااااارب