الثلاثاء، 1 ديسمبر، 2009

الانسانه الراقيه

مرحبا .... هذا القميص شريته من محل زارا اللي بالمانيا ...... لونه عنابي حلو وخامته ربيعيه يصلح لبدايه او نهايه الشتى ....
لما حطيت هالموضوع بتكلم عن سالفتين ....... شكلي مطوله
اولا ......
في يوم من الايام وصلني مسج من الغاليه لوير انها شرت قميص من زارا وعطتني مواصفاته
ثاني يوم نزلت السنتر ومريت على زارا وطرى على بالي اشوف القميص اللي شرته ....... دخلت وانا حاطه في بالي اذا شفته راح اشتريه لاني اثق بذووق لوير وفعلا شفته وشريته وعلينا بالعافيه
القصد ...... انا مايبط جبدي الا الناس اللي تقول سوق الكويت مو حلو وماينزل عندنا الا القديم بعد ماينزل باوربا ... يمكن الحين ماقمنا نسمع هالكلام لان تطور السوق بالكويت
بس انا قصدي قبل التطور سوق الكويت ينن وفيه كل شي يديد ينزل بوقته
ثانيا .......
بتكلم عن صديقتي الصدووق
lawyerQ8 ترددت واايد على عنوان الموضوع وفكرت باكثر من عنوان ولالقيت عنوان يوفيها حقها هالانسانه غاليه على قلبي حيل .....
لو بكتب ماراح اخلص .....
اللي بقوله انها ماشالله ذوووقها رااااقي جداااا
واذا توهقت بمناسبه على طووول اكلمها وماتقصر حبيبتي وتضبطني :)
ومرات اشتري شي وبالصدفه تكون شاريه مثلها ...... القلوب عند بعض
قبل اسافر وصيتها اي شي له علاقه بالموضه توافيني بالاخبار على طووول
عسى الله يخليها لعيالها وابوهم ويخليهم لها
غير سالفه الذوق ...... اكثر انسانه تستحملني اذا قفلت بويهي
وواصله حدي لوووووووووول
بصراحه كتبت هالموضوع على السريع واتمنى ان يوفي بجزء من حقها ولو اني مومقتنعه

هناك 9 تعليقات:

  1. تستاهل لويرناهالكلام الحلو...
    وعليج بالعافيةأردى ماتلبسين يالغالية،،،
    وشكلي بطقم وياكم ;-)

    ردحذف
  2. اهلييييين بسمه منوره ياقلبي

    تستاهلين الطيب حبيبتي والله يعافيج ..
    ننطر نطقم ونروح باليونيفورم المياااس لوووووووووول

    ردحذف
  3. بعدعمري عيني دمعت كل هالكلام الحلو عني واااي فرحت ومومصدقه
    والعنوان حده عجبني
    ((الإنسانه الراقيه))

    عسى الله لايفرقنا ويدوم المحبه ياااااااارب :)

    ردحذف
  4. حبيبتي لوير تستاهلين اكثر .....

    على فكره هذا الموضوع المفروض يكون من المواضيع الاولى بالمدونه لاني قبل اسوي المدونه كتبت رؤوس اقلام عن اللي بكتبه في البدايه بس تصير احداث واكتبها عشان لاانساها وتكون بوقتها .....

    والله يسمع منج يااارب

    ردحذف
  5. شكرا بسمه ولوير حبيبات قلبي على المرور

    ردحذف
  6. السلام عليكم
    صراحه الكلام اللي انكتب في لوير مايوفيها اصلا وهي بطيبة قلبها دايما تجمعنا و تنصحنا للخير

    وانا احبها واحبكم بالله
    سوري على الغيبه بس توني افضى من عقب الحج

    ردحذف
  7. تقبل الله طاعتج يالغاليه ...
    وشكرا على المرور

    ردحذف
  8. رهوش بعدعمري والله انا بعد أحبج وأحب باجي الفريق:
    ((كريزي+بسمه+والحلوات إلي ليلحين مانورا المدونه))
    وأتمنى أخوتنا وصداقتنا ماتغير أبد نظل مع بعض لما نصير عياييز ونزوج عيالنا بي طبعا بنكون عييايز غير شكل ستايل ووشكلنا أصغر من عمرنا
    خخخخخخخخخخخخخخخخخخخخخخخخخخخخخخ

    ردحذف
  9. تقبل الله طاعتج
    حج مبرور وسعي مشكور يارهوش


    وجزاج الله خير إنج مانسيتي شي من لستت الأدعيه إلي وصيتج تدعيلي فيهم بيوم عرفه;)


    كانت لسته طويله بس سر بيني وبينج
    هههههههههههههه

    ردحذف