الجمعة، ١١ ديسمبر ٢٠٠٩

احلى احتفال مدينه اوروبيه بالكرسمس

مرحبا
في الويك اند اللي فات رحنا لمدينه فرنسيه احبها حييييييل
ويمكن هذي خامس مرة اروح لها من جمال المدينه احسها غير عن المدن الاوروبيه
حتى بالكرسمس كانت غير ومااتوقع فيه احلى
كانت زززحمه والكل ماسك كاميرا ويصور
حسيت نفسي في معرض لوحات فنيه يومها كان الجو حلو الحمدلله وبالدرب لازم القهوة تركب معانا
وبعد ساعه تقريبا وصلنا
هذا الشارع ومزين باللون الاحمر
محطه السنتر
كانت سترازبورغ عبارة عن ممرات وكل ممر شكل غير عن الثاني
من الممرات اللي اعجبتني ممر الثريا
طول الممر ثريات معلقه ومغطيه وكل وحده لونها غير عن الثانيه
هذي الثريا لووونها احمر
ثريا لوون ازرق
هذا نفنوف عرووس واايد عجبني وطرت على بالي وحده اعزها حيل دعيت لها بالزوج الصالح اللي يستاهلها
ساحه كل جم ثانيه يتغير لون الاضاءة
صورتها باللون الازرق
فيها شجرة كلها زينه وتعطي اضاءة بيضه مثل طريقه ثلج ينزل ابداااع
مطعم امريكي واايد حلو انصح فيه واذا معاكم يهال اخذو طاوله يم ركن الاطفال .. حاطين تلفزيون وتلوين لهم في قبله مطعم مغربي هم حلو بس قال مافي مكان لما شاف معانا يهال هههههههههه
مطعم ايطالي مجربته لما كنت مع ريلي حلو بس مايصلح مع يهال خخخخخخخ
مطعم ستيك ماجربته
مطاعم لبنانيه بس ماجربتها
بول مثل الخباز عندنا واحنا حاطينا قعدات وخبه ورزه هههههه
ساحه الكنيسه الزينه على شكل جواتي باليه
شارلي شابلن لوووووول
المدينه المائيه وتسمى
petite france
شجرة الكرسمس
غني عن التعريف
جاليري لافاييت
مبنى عجبني تزينه في شغله لفتت نظري كل محل حاطه زينه تعبر عن نوع بضاعته
هذا محل للكيك
هذا محل نسائي بحت ههههههههه
حتى الفنادق مزينه
لما طلعنا
مرينا على البانهوف
البانهوف ماصورته الابليل
كله جام وشرررررح بالنهار
ودعنا المدينه الجميله
انصح فيها المعاريس بهذي الفترة جداااااا رومنسيه
والازواج اللي محتاجين تجديد بحياتهم وروتينهم بس بدون يهال
وعلى فكرة السوق حلو وراااقي جداا واغلب الماركات موجوده
بالنهايه اشكر زوجي لمساعدته لي في التقاط بعض الصور لما انشغلت مع عيالي
ملاحظه
العنوان يعبر عن راي الشخصي

هناك ٦ تعليقات:

  1. وااااي كريزي فعلا الشوارع المزينه تشوق جان زين هالمدينه قريبه من الكويت وأروحلها بالويك إند مع ريلي ليلتين من غير عيالي>>>>
    ((هذي أحلام أم ملت من روتين الحياة الأسريه)) لووووووووووووول

    ردحذف
  2. وبالنسبه لقهوةPAUL!!!!

    إي والله تعالي شوفي الناس بالمارينا مول وبالأفنيوز شلون كاشخين وقاعدين يطالعون إلي رايح وراد يعني مسخره بمصخره>>>>

    الله يهداهم يااااارب

    ردحذف
  3. السلااااااااااااام
    اشلونج؟
    صاراحه خوووش مكان عليج بالعافيه وانتي ويا راسج كل هل الجو والاماكن والمدن الي تهبل وتبجين على الكويت الجلحه الملحه !!!!!!!
    بليز عيشي حياتج لاحقه على البرد اللي يدش بالعظم ويمرض ولا الحر الخيسه والغبره الموطبيعيه

    ردحذف
  4. رهوش حدج موتيني من الضحك
    صاجه100% ههههههههههههههه

    بس على قولة الأغنيه:
    ((بلادكم حلوه حلوه بس الوطن ماله مثيل))

    ردحذف
  5. هلا والله لوير ورهش ....

    الله يعافيكم ...

    ردحذف
  6. مشكووووووووووووووووورة وايد

    ردحذف