الجمعة، 15 يناير، 2010

LONDON part5

صباح الخير
ويتجدد اللقاء مع يوميات لندن
اليوم الخامس
في البوست اللي قبل قلت لكم رحنا سيلفردج نتريق
طبعا انا خذيت قهوة وخذيت بنتي ورحت اتسوق
ريلي مع ولدي قعدو في الفود هول يتريقون

بليل قالي ريلي عن كب كيك رووووعه ولذيذ طبعا كريزي عند الحلو
يرتفع ضغطها
قلت ليش ماشريتولي وبلا وبلا وبلا ههههههههههه
قالي خلي السوق يفيدج لوووووووووول
قعدنا الصبح وراح ريلي يشتري لنا اغراض من الجمعيه

ومر سيلفردج وشرالي كب كيك :)
وقالي يالله صوري حق بلوقج ههههههههه

وهالكب كيك موجود بس في سيلفردج وهارودز
والنوع اللي احبه
VELVET
بما ان المطر صارله يومين
قررنا نروح بلووتر
مرينا على ترافلجار سكوير
تمشينا على السريع
وصلنا هالمحطه
ووصلنا لمحطه بلووتر
بلووتر فاتح 2007 ويعتبر اكبر مول في اوروبا
دخلنا صوب الفود هول
وتغدينا في ناندوز
رحلتنا هاليوم طويله خذيت قصص لعيالي
اسكتهم بالقطار والمطعم هههههه
على فكرة ناندوز في افرع وااايد في لندن
بعض منها يقدم الدياي حلال اذا حابين تتاكدون من موقعهم بالنت
بس ناندوز بلووتر ماكان حلال للاسف
عشان جذي طلبنا كان فيجيتيريا
بعدها ريلي مع ولدي دخلو سينما
وكانت اول مرة يدخلون مع بعض سينما
فحبيت احتفظ بالتذاكر لووووووول
انا وبنيتي كملنا الشوبينق
طبعا الموووول كبيييييير
ودورين
خلصت الدور الاول ب3 ساعات
والثاني دخلت جم محل على السريع وطلعنا
حصل موقف باااااااايخ
مارك سبنسر في بوابه نطلع منها
وقفنا وريلي راح الجمعيه يشتري مااااي
عطيت ولدي الكاميرا
وقلت صورني
مرة يصور ريولي ومرة يصورني وراسي مو طالع بالصوره
وقعدنا نضحك
وفجااااااااااااااه
الا عملاقين من الامن عندهم فووووووووق رااااسي
قالي التصوير ممنوع داخل بلووتر
قلت اوكي وسوري وسكرت الكاميرا
قالي ممكن تمسحين الصور الحين
انا ويهي لاتعلييييييييق
مسحت صورة والصورة الثانيه
رفعت راسي قلت مافي لافته مكتوب ممنوع التصوير
وهذي صور شخصيه ماراح امسحها والبلووتر مو متحف
عشان ماااصور فيه
يقعد يقرقر ويعطي محاضرة
قلت الصور اللي صورتهم مسحتهم
قالي ثانكيو باي ههههههههههههه
موقف غثيييييييييييث
وغميضه على الصورتين
طالعه فيهم شحلاتي لووووووووول ماادري ليش حسيت بهالموقف
ودي حبيبتي رهش معاااي
لووووووووول رجعنا لمحطتنا
وركبنا الباص حق اجورود
اختي حبيبتي قالتلي ذووقي شاورما هيلين
لذيييييييييذه
طبعا شاورما هيلين تفتح المغرب
ومافيها الا شاورما وفلافل
ويصير عليها طاااابور
الشاورما حلوة بس ماتتقارن بالشاورما اللي في المانيا شاورما الاترااااااااك ناااااطعه
هذي بعض المشتريااااات
بعلق على بعضها
كروس مسوي سيل قوي
خذينا لعيالي وحقي خخخخخخخخخخخخ
شريت هذا حق ريلي
من هاوس اوف فريزر
بس ماادري ليش مااعجبه :(
سياره لاسلكي صغيييييييييييره حق ولدي
وعلبتها على كانز
ميني ستريتنر حق كشه بنيتي لوووووول
فديتها
هالمحل ينن حق الصبيان
طبعا اغلب مقاسات ولدي خااالصه
وفي قسم حق الرياييل
حتى ريلي اللي يعجبه مايلقى مقاااس سيلهم قووووي
هذا اللي خذيته لولدي
شريت هالبلوزه من
CK jeans
عطوني هالجيس
انا احب جياس المحلات الماركه خخخخخخخخخخ
قلت هذي البلوزة هديه ماابي هذا الجيس
قالي من السيل خلصو جياس المحل
حظي لووووووووول
هالمحل فيه ماركات
خذيت جنطه كلوي
وشوز ميليسا بلاستيك دريم
في محل يبيع فناااااتك
وهذا اللي شريته منه
كفر للجواز عليه اختام مطارت ملونه
منهم ختم مطار القاهرة
هنااااااا القاهره لووووووووول
مغناطيس فيه 400 كلمه
تركبين جمله
وتحطينها على الثلاجه
ستاربكس
mugs
خلص اليووم
والمجمع ماعجب ريلي شوي مظلم
ويست فيلد اشرررح منه
نطروني بالاجزاء الياااااااايه

هناك 18 تعليقًا:

  1. نسيني الدنيا15 يناير، 2010 2:55 ص

    واااااو عليج بألف عافيه الجنطه والشوز وااايد حلوين وهذا المجمع لرايحتله انا وحلو عشان البضاعه كانت تخلص بالمحلات باكسفورد وكانو محلاته حلوه عليج بالعافيه بس سؤال مايبتي طاري حق محل بري مارك ليش؟

    ردحذف
  2. الله يعااااااااااافيج

    انا حطيت بلووتر بالجدول بدال الشوبينق في اوكسفورد

    تدرين معاي يهال وخفت عليهم من البرررد

    قلت بدال اوكسفورد اروح بلووتر

    وبري ماارك ذاكرته بالاجزاء اليااايه هههههههههه

    ردحذف
  3. وناساااااااااا .. بس عاد تدرين!! لو هالتقرير بالصيف جان دشيت بالصور من الحر.. الساعه وحده الظهر والجو روعه .. تصدقين هالديره ماتوفق اروحلها مادري ليش :\ اهلي لمن راحوا كان عندي عملية :(( ليش يعني!!

    تقريرج ايشوق .. وعيشتينا الجو جنه اهناك .. واهم شي الكب كيك ... يم يم

    الجناط والجواتي حلوين ماشالله وبربريز كريم صاير .. فرقق بالسعر @@

    يالله تردين بالسلامه عزيزتي :) ونبي تقرير عن شعورج بالرده

    ودّي

    ردحذف
  4. ونااسه

    ناندوز موجود بالافنيوووز

    وماشالله خوش مشتريات عليج بالعافيه

    وصج بخاطري شاورما تركيه :(

    ردحذف
  5. السلام ..

    بالعافيه يارب..

    شوقتيي اتسوق :)

    ومشكوره..

    ردحذف
  6. ما شاءالله خوش اغراض

    هاوس اوف فريز احبه عجيب خصوصا اذا كان مسوي سيل

    هالمول اول مره اسمع فيه


    عليج بالعافيه حبيبتي :>

    ردحذف
  7. نسيت اقولج هالكب كيك صارلهم فتره هابين فيها بالكويت

    وايد ناس يبيعونها بس ما جربتها

    ردحذف
  8. شوبنقxشوبنق
    ونااااااااااسه
    ماشاء الله عليج بألف عافيه كل الأغراض
    ذويقه ياكريزي:)

    بس بضيق خلقج قبل إسبوع وصلتني مجلة الإسطوره وحاطين صورةشوز مليسا إلي شريتيه وقبل 3أيام رحت لايم لايت الأفنيو وشفته كان سعره يا140 أو180
    وريلي كان معاي ولا يقول شدعوه جوتي بلاستيك بهالسعر رديت عليه قلتله هذا ماركة مليسا واللبناني إلي يشتغل بالمحل يقول مغلين سعره علشان الستراس
    وااعليه خرعناه بس ماتغلبينه ولا يقولي صج حريم مقصوص عليكم
    لوووووووووووووووووووول

    ردحذف
  9. صج كريزي ليش تمنيتي رهوش معاج بالموقف البايخ إلي صار!!!!

    تبينها الناطق الرسمي لج لما توهقتي وانصدمتي وتخرعتي
    عاد بعدعمري رهوش راعية فزعه
    هههههههههههههههههههههههههه

    ردحذف
  10. الوتين

    عليكم بالعافيه الجو عقب الحر والرطوبه

    وان شالله تتوفقين بسفرة حلوة حق لندن وبوقت حلووووو للشوبينق

    وبربريز طق عليه اغلب الموجود 50 و70 بالميه خصم

    والله يعافيج وشكرا على المرور

    واكيييييد الرده يبيلها تقرير

    وحياج الله في البلوق

    ردحذف
  11. اهليييين دودو

    اي ناندوز موجود بالكويت بس ماجربته

    والله يعافيج وشكرا على المرور

    واذا ييتي المانيا اعلمج على احلى شاورما تركيه بأي منطقه

    حافظتهم
    ههههههههه

    ردحذف
  12. وعليكم السلام رورو

    الله يعافيج حبوبه

    وانتي بلوقج يشوقني اتسوق لوووول

    شكرا على المرور

    ردحذف
  13. هلا والله شاااي

    الله يعااافيج وصاجه هاوس اوف فريزر بضاعته حلوة واسعاره حلوة

    المول حلو تروحين شوبينق بس لان مافيه شي مو مثل ويستد فيلد احس الكافيهات والمطاعم وشرررح

    يصلح لكل العايله


    والكب كيك صار الحين بكيكات العيد ميلاد والاعراس ههههههههه

    شاكرتلج المرور

    ردحذف
  14. لوير حبيبتي الله يعافيج

    وعيونج الحلوة ....

    شدعوه هالسعر انا ماخذته ب100 باوند يعني 50 كويتي ههههههههههههه

    طبعا لندن مسوي عليه سيل

    لايم لايت شارينه بعد ماانخصم عليه ويبيعونه دبلات ؟؟؟؟؟؟؟؟



    حراميه ...... اذا رحتي مرة ثانيه قولي هالشوز برى الكويت بنباع ب50 كويتي

    لا وبعد شفته بموقع بالانترنت يبيعه ب70 باوند يعني 35 كويتي

    حريتيني ودي ارجع بس عشان ازفهم لووووووول اي شي


    وبالنسبه لرهش لازم اشرح الموقف لايف

    اذا رجعت ان شالله وعزمتوني خخخخخخ


    اشرح لكم الموقف


    شكرا ياقلبي على المرور

    ردحذف
  15. رهش وما كو احلى من الرهش بهالبرد16 يناير، 2010 8:15 م

    السلام عليكم ياحلى كريزي بالدنيا صراحه كل ابارتات ابصوب وبارت الشوبنق ابصوب حدي اندمجت وناسه يشوق بس احس وبالعاده احساسي مايخيب انج تمنيتي ان عندج همجة افلوس ثانيه غير الهمجة اللي صرفتيها لان اتوقع انه مابردت جبدج بعد ويمكن خليتي شي بخاطرج

    ادري فيج
    خابصتج
    وهو احساس متبادل

    بس صراحه انا دائما اتواجد بالموقف البايخه وتكون ردة فعلي مثل اللي بيكحلها ويعميها
    بس انا قول بعض وليس الكل
    هههههههههههههههههههههههههههههههههههههههههههههههههههههههههههههههههه

    ردحذف
  16. ممتعه وايد

    حسستينا إنا كنا معاج :)

    بانتظار البقيه

    ردحذف
  17. اي والله ماكو احلى من الرهش وماكو احلى منج يالغاليه :)

    والله الهمجه موجوده بس المقاسات موموجوده للاسف ههههه

    تدرين مقاسات البتيت دايم تطير لووووووووووووووول


    تمنيتج بالموقف عشان تعطيني بور عشان اخذ راحتي بالهجوم خخخخخخخخخخخخخ




    منورة حبيبتي

    ردحذف
  18. اقصوصه

    مرورج الممتع ... وشاكره المتابعه

    ردحذف