الاثنين، 8 فبراير، 2010

هلا فبراير في غربتي

مسسسسسسساء الخييييير
طولت هالمرة على نزلت بوست :)

***************************************
بقولكم قصتي مع هلا فبراير
بدايه الغربه كانت سنه 2007 وكان عندي ولدي الله يحفظه وقعدت فترة طويله وطبعا التلفزيوون على طووووووول ولاتتغير القناة عن الكويت
حتى اذا اذن وكنت بتصل على اهلي اقول وقت صلاه خخخخخخخخ
بعد الصلاة اتصل عليهم لوووووول واذكر كان دايم يحطون اغنيه سنيار وولدي يرقص عليها واذا خلصت يبجي ويقول ابي بعد ....... وهقه مرات اقوله من قالك اشتغل بالتلفزيون ؟؟
كان قلبي يعورني لما اسمع يقولون
الله يرجعكم ترا فقدناكم وبعدها صار هلا فبراير وانا اتابع الافتتاح وقلبي طاااااير
مع اني لما كنت بالكويت ماادري عنه ولا اشوفه

صج المثل ماتعرف قيمه الشي الا لما تفقده وفعلا حسيت بعدها ان فبراير غيييييييير بالنسبه لي وفرحته غير بقلبي ودايم بهالشهر اذكر نعمه الاستقلال واذكر نعمه النفط واذكر نعمه التحرير
الحمدلله على هالنعم والله لايغير علينا
مااهتم لا بالتنزيلات ولا بالحفلات ولا بالامسيات مثل قبل اتغرب عن ديرتي
وكنت كل مااكلم امي اقولها ودي احط اعلام الكويت بشقتي ومن برى ابي الكل يدري ان هالشهر فرحه لكل الكويتيين حتى اللي بالخارج وطبعا انا احتريت من امي ههههههههه لانها بهالشهر تعلق اعلام على بيتنا وعلى سور البيت وعلى الشاليه
ولالالالالالازم يكووووون العلم حجمه كبييييييييييييير الله يطول بعمرها وطنيه
والظاهر خذيت هالطبع منها
وفي سر عن زوجي لما يشوفني جذي يضحك
اعصب اقوله مافيك ولاء ...... شكووو ملاحظه زوجي متعوده على الغربه من عمره 18 وصار هالشي عادي عنده وكنت حيييل اتضايق
بس الحمدلله طلعت ظالمه مشاعره الدفينه لوووووووول

***********************************************

وهالمرة قبل اتغرب وماكنت ادري متى ارجع بالضبط بس اللي متاكده منه
مو قبل شهر فبراير ولما عرفت هالشي امي شرتلي اعلالالالالالام ماقصرت الغاليه
ومن بدايه هلا فبراير رحت علقت اعلامي ونااااااااسه وصورتهم وقلت لولدي هذا علم الكويت
وصارت نشيده كل يوم احفظه هالكلمه واساله هذا علم شنو ؟؟؟؟؟؟؟

**********************************************
هني مدخل الشقه

هالعلم موجود من زمان فوق المكتبه

هذي دريشه غرفه ولدي

هني دريشه الصاله ولما دخل ريلي وشاف الاعلام استقبلنا بابتسااااااااااامه عريييييييضه قلت شنو السالفه ؟؟؟؟؟ اول مرة يرجع مبتسم من الدوام
قالي احس صدري انشرحت قلت من شنو ؟؟؟؟؟؟ ماكو فكه خخخخخخ وموراضيه استوعبت الامر قالي لما شفت علم الكويت قلت ماااااااااااااااااشالله والحمدلله فيك ولاء لووووووووووول
بعدها رقعت لنفسي وقلت لوادري جان اعلق بكل مكان علم الكويت
في النهايه اقوووووولكم حتى احنا عندنا هلا فبراير مو بس انتو :)
عسى يدوم الافراح والامان في الكويت
يااااااااااااارب

هناك 24 تعليقًا:

  1. كل سنه وانتم سالمين يارب

    الغربه شينه والواحد مايفقد ديرته الا لما يبعد عنها ويعرف قيمتها

    الله يرجعكم بالسلامه

    ردحذف
  2. نسيني الدنيا9 فبراير، 2010 2:44 ص

    الله يعينج ويردكم بالسلامه بس فكره حلوه الاعلام

    ردحذف
  3. حبيبتي والله الله يعينج انا اسافر عن ديرتي جم يوووم وافقدها شلون انتو


    حلاته عندج علم اكبر من جذي تحطينه وتخلين كل العالم تشوفه

    يالله ان شاءالله تردين وتحتفلين ويانه بالفبراير القادم

    وعسى الله يردكم سالمين

    ردحذف
  4. وناسة
    ودي أحتفل بفبراير بس ما أدري شلون
    تسلمين

    ردحذف
  5. السلام..

    واللي زايد حلا فبراير اني مولودة فيه خخخ..

    كل عام واحنا والكويت بخير..

    وتردين لنا بالسلامه يارب ..

    ردحذف
  6. ان شاءالله كل ايامنا افراح

    والله يديم الامن والامان على ديرتنه

    ردحذف
  7. صكيتي على مركز سلطان

    مسوي ركن كامل حق العيد الوطني

    :)


    يعطيج العافية على هالروح الوطنية, والله لا يغير علينا الا للأحسن

    ردحذف
  8. لو نان جو

    وانتي بخير والله يسمع منج

    شكرا على المرور وحياج الله في البلوق:)

    ردحذف
  9. نسيني الدنيا

    هلا فيج حبيبتي .. الله يسمع منج ياارب :)

    ردحذف
  10. دودو

    الله يعين والله صاجه الغربه تعب :(

    ترا الاعلام زين حجمها بس لاني الدريشه كبييييره نص الطوفه لوووووول

    الله يسمع منج حبوبه

    شكرا :)

    ردحذف
  11. مزيونه

    تقدرين تحتفلين باطباق تسوينها على علم الكويت ... عطيتج فكره خخخخخ

    شكرا على المرور حبوبه :)

    ردحذف
  12. رورو الشخبوطه

    اكيد يزيد الحلا وكل عام وانتي بخير .. شعليج الكويت بعد تحتفل معاج :)

    الله يسمع منج

    شكرا :)

    ردحذف
  13. شاي

    منورة حبيبتي ...والله يسمع منج يااارب :)

    ردحذف
  14. شاندل


    لوووووول اي شفت الركن في بلوق دودو شحلاته يشرح الصدر


    الله يعافيج ويسمع منج ياارب

    شكرا :)

    ردحذف
  15. ماشاءالله سبحان الله فطرة الانتماء للوطن والله يوفقج بس تبين الصج احنا ما نحس بغلاة وطنا الا اذا تغربنا تعرفين ان ديرتج اغلى ما عندج وتحسين بشوق له وحتى دائما ترديدين مافي مثلج يالكويت وتقولين اغنية ((بلادكم حلوة حلوة بس الوطن ماله مثيل لو احنا سافرنا نشتاق في بعدة حب الوطن غالي والعيشة فيه حلوة ))وعسى ربي يسهل عليج غربتج ويردج بالسلامة والله يجازي امج بالاعلام وموفقة

    ردحذف
  16. ياحلو علم الكويت لما تشوفينه بالغربه يفز قلبج وماقصرت خالتي على الأعلام وإنتي زين سويتي علقتيهم:)

    عمااااار ياكويت عماااااار
    الله يردج لديرتج سالمه غانمه
    ياااااااااااااااااااااارب


    وصح لسان الزين>>>>

    ((بلادكم حلوه حلوه بس الوطن ماله مثيل,,,لواحنا سافرنا نشتاق في بعده حب الوطن غالي والعيشه في حلوه))

    ردحذف
  17. الزين

    مشكورة حبيبتي على دعواتج الحلوة والله يسمع منج ....

    وصح لسانج :)

    شاكرتلج مرورج ومتابعتج :)

    ردحذف
  18. لوير الغاليه


    الله يسمع منج :)

    وصح لسانج انتي بعد :)

    ردحذف
  19. غــصــون الــراك13 فبراير، 2010 3:16 ص

    كل سنة و الكويت الغاليه بخير .. آمين

    و إن شاءالله ربي يديم الفرحه على الكويت و أهلها :)

    و الله يصبر على غربتج و يردج للكويت سالمه غانمه من كل شر .. و الله خنقتني العبره :(

    و صح كلامج يالزين

    ردحذف
  20. غصون الراك .....

    منورة حبيبتي والله يسمع منج

    وشكرا على المرور :)

    ردحذف
  21. عساج على القوه اختي ..
    بس زين انتي ماراح اتكونين بالديرة بعيد التحرير والاستقلال عشان لا يترسونج فوم يعني وناسة :)
    وصلي حق الالمان ثقافة الفوم ماوصيج

    ردحذف
  22. بوذياب

    حياك الله اخوي والله يعافيك ....

    عاد الفوم ماشفته الا بالكويت .. كنت ابي حق عيالي عشان يستانسون فيه بس مالقيت :)

    شاكرتلك مرورك

    ردحذف
  23. تدرين عاد
    أنا كل سنة افرح بالعيد الوطني لكن هالسنة لأ ,
    بالفترة الاخيرة بديت أكره الكويت ..
    لو سألتيني قبل سنتين أو ثلاث .. إذا كان ممكن تكره الكويت أو لأ , كنت بقول مستحيل , يمكن أكره عيوني و ما أكرهها!!
    ماكنت متصور أني في يوم من الايام راح أكرهها ..
    عمرج جربتي هالشعور ؟
    شعور زفت .. إذا كره الواحد ديرته يتغير عليه حتى طعم الماي ..
    يصير مر ,,
    مادري شنو اللي يخليني اهذري بمدونتج و بموضوعج
    لكن كلام ما قلته لأقرب الناس لي
    و كنت محتاج اقوله و صدفت هنيه ..

    ردحذف
  24. غير معرف

    ماادري بصراحه شنو ارد على تعليقك بس حيييل صدمني ...

    لوتعيش بديره ثانيه راح تغير احساسك ..

    وانا معاك ان في ناس حيل مظلومين بعيشتهم وبواظيفهم وبتجارتهم وبشهاداتهم بالكويت بس مايمنع انهم يتكلمون ويدافعون عن حقوقهم اللي ساكتين عنها لان الحمدلله ماعندنا مثل الدول الثانيه اللي كل واحد بالعها وغصبن عليه يسكت ويشكر الحكومه بعد ..

    اخذ راحتك بالهذره وان شالله يتغير احساسك :)

    حياك الله ومنور المدونه وشكرا على المرور وفشه الخلق :)

    ردحذف