الجمعة، ٩ أبريل ٢٠١٠

GOOD MORNING Q8

GOOD MORNING EVREYBODY
يوم كان الجو حلو قررنا نتريق في مطعم ايامي
انا ولوير وام مشمش ورهش وبسمه فرقه حسب الله هههههههههههه
الطلب
شاي حليب وحليب دارسين وكل وحده غوريها وسكانتها
بليله اتوقع جذي الاسم حلوووة
طبليه وفلافل اممممم لذيييييذ
الخبز فرررررش وحااااار
بيض فخااار حلووووووو
بعدها اعزمتنا ام مشمش على جوكلت بار
بمناسبه بدايه مشروعها اللي طووول عمرها تحلم فيه
والحمدلله تحقق والله يوفقها ياااارب ماقصرت على التحلايه ولزمت حبيبتي كلنا نطلب فديتها
ويابتلي مق ستاربكس اللي كنت ادور عليه من اول ماييت الكويت
لان عندي مق جيرمني وانجلاند وابي اللي على الكويت شكرا جزيلا حبيبتي
ملاحظه
مطعم ايامي الريوووق روووعه وبعد تعشيت فيه وااايد حلو وانصح فييييييه سؤااال يسدح ويطرح نفسه بنفسه لوووووووووول
امبيه من اول ماييت اسمع بحفلات غريبه هلاقه بارتي
بجامه بارتي شنو الهدف منهم وحق ليش وشنو ؟؟؟؟؟؟؟؟؟؟

هناك ٢٢ تعليقًا:

  1. صباح الخير ياكويت:)

    صاجه خووووش طلعه
    الجو حلو
    والأكل يمي يمي
    وجوكلت بار كان إجرام

    صج الكويت حلوه مافي مثلها بس للي يعرف شلون يستانس فيها


    وأزيدج بعد ترتر بارتي
    هالحفلات هبه يديده بالكويت
    ناس فاضين ولهم خلق عليهم بالعافيه

    ردحذف
  2. أزال المؤلف هذا التعليق.

    ردحذف
  3. بالعافيه يارب..

    كل من ذم لي هالمطعم بس اشوه عجبكم..

    بالنسبه للحفلات قديمه مو هبه يديده انا عرفت من مسلسل وبعد تقريبا ب2004 شي جذي,,

    ومشكوره..

    ردحذف
  4. رهش ما عزمتكم على شي ..مدير مطعم "ايامي" اللبناني قليل الادب ..ما عجبتني الخدمه

    ردحذف
  5. عليكم بألف عاااافيه

    و نفس ما يقولون :

    مطرح ما يسري يمري إن شاءالله

    هني و عافيه عليكم

    وعلى السؤال فيه أشكال و ألوان من تقليد الغرب .

    بس لأسف تقليد فااااشل لأنه ما نقلد بشي فيه فايده لنا

    الله يحفظ الكويت و يحفظ شعبها يارب

    ردحذف
  6. عليج بستين الف عافيه يارب :)
    مبين انها كانت خوش طلعه ماشاء الله

    بالنسبه للحفلات ..مره وحده من اهلي مسويه chocolete party و ذاك اليوم انعزمت على ديسكو بارتي @@ و movie night party و اشكال و الوان ..شوفي اهيا وناسه و تغيير للاجواء لا اكثر ولا اقل

    ردحذف
  7. عليكم بالعافيه


    جربت المطعم اول ما فتح كلش ما عجبني ما حبيت اكلهم والمنيو فيه اختيارات قليله


    وبالنسبه للحفلات من ايام الثانويه وانا اسمع فيهم وجم مره انعزم بس مستحيل اروح ما احب هالسوالف


    مشكوره :)

    ردحذف
  8. عليج بالعافية الطلعة والريوق ..
    والمق :)

    وعلى سؤالج عن "هلاقة" "بيجاما" بارتي << مجرد تقليد أعمى مافي هدف من وراه :)

    ردحذف
  9. لوير
    صباح الخيراات

    اي والله الكويت حلوة


    وكلامج صح مايسوى هالحفلات الا الفاااضي


    عليهم بالعافيه وعلينا بعد بالعافيه

    شكرا

    ردحذف
  10. رورو

    الله يعافيج ياارب

    غريبه مع اني رحاله مرتين ولوير اكثر من مرة وريوقه حييل حلو

    يمكن كلامج صح وانا بعد سامعه من زمان بس الحين كل يوم وصارت بزياده

    هبه غريبه

    شاكرة مرورج

    ردحذف
  11. سامي

    مو رهش اللي عازمتنا ... واعليه على هالرهش كل شي فوق راسها لووووول


    ام مشمش اللي اعزمتنا على شوكليت بار

    حياك الله في البلوق وشاكرة مرورك

    ردحذف
  12. غصون الراك

    الله يعافيج حبيبتي ... ومثل ماقلتي التلقيد بالشي اللي ماينفع


    والله يسمع منج


    وشكرا على المرور

    ردحذف
  13. شيمونه

    هلا فيج والله يعاافيج ..اي والله خووش طلعه

    وعليج بالعافيه الحفلات وبصراحه شهيتيني على شوكلت بارتي هههههههه

    شكرًا

    ردحذف
  14. جايونه

    الله يعافيج حبوبه وسبحان الله واايد عجبني اكله حتى جربته عشى

    يمكن غيرو المنيو


    وعلى الحفلات لو في شوكلت بارتي اروووح خخخخخخخخ


    شكرا على المرور

    ردحذف
  15. مهندستنا منورة


    الله يعااافيج حبوبه


    وانا بعد اقول تقليد اعمى .. لان بجامه بارتي يسونها المسيح وقت الكرسمس

    طبعا لها هدف عندهم بس مااعرفه
    عندنا مالها هدف ولا معنى


    مشكله الفضاوة :)


    شكرا

    ردحذف
  16. هههههههههه بيجاما باارتي لا تعليق هههههههه ...

    بس شكله هالمطعم وايد حلو.. !! يوم بنزور الكويت بسيرله ..

    ردحذف
  17. يمي يمي الصراحه هذا الريوووق ولا بلاش حدج شوقتيني اروح حق هالمطعم واطلب نفس طلبج بس اهوااا وين مكاانه؟؟؟

    وعليكم بالعافيه

    ردحذف
  18. AM.SA.CHANNEL

    ماالومج اسماء تضحك وعلى قولتج
    no comment

    انصحج فيه وحياج الله في البلوق وتنورين الكويت ان شالله

    شاكره مرورج

    ردحذف
  19. cheese cake


    مكانه مرينا كرسنت .. جربيه وعليج بالعافيه مقدما

    حياج الله في البلوق واسمج يمي يمي خخخخخخخخ

    الله يعافيج

    شكرا

    ردحذف
  20. عليكم بالعافية و الله حلو حق الريوق :)

    اما الحفلات ما راح اجاوبج لاني أكثر وحدة تكره هالسخافات :)

    ردحذف
  21. AM.SA.CHANNEL

    وي ماسمعتي شي .. هذا شي من لاشي لووووول

    اي انصحج تسيرون للمطعم واايد لذيذ

    شكرا

    ردحذف
  22. cheese cake

    الله يعافيج حبوبه .. مكانه في مارينا كرسنت

    شكرا على المرور

    ردحذف