الأربعاء، ١٤ أبريل ٢٠١٠

Organic Green Tea

أول مره أجرب شاي أحضر عضوي
Organic
من منتجات أرض الطبيعه
كاتبين بالعلبه
(( تمتع بالحياة رشفه رشفه لا بلعه بلعه))
:)
والله طعمه حلو
تمتعت فيه رشفه رشفه
خخخخخخخخخ
بس ماقدرت أشربه بدون شكر
ملاحظه:
دام الشركه إلي مصنعه هالشاي مهتمه بالطبيعه
جان ماحطت الدبوس الحديد بخيط الشاي!!!!
شريته من مركز سلطان
وشفت عندهم هالجياس
مسوينه خصيصا لهم
مثل طريقة السوبرماكت بالدول الأجنيه
عجبني

مع تحياتي:

q8-lawyer

هناك ١٨ تعليقًا:

  1. عليج بالعافيه

    انا جربت انواع وايد بس مو قادره ابلعه افضل الشاي الاحمر وخاصة اللبتون ههههه

    المفروض ينشرب بدون شكر افيد واذا بتحطين شكر حطي سبليندا احسن من الشكر العادي

    شكرا

    ردحذف
  2. هلا شاي الله يعافيج:)

    تعلمي تشربين الشاي الأحضر ترا فوايده واااايد وصحي أكثر من الأحمر

    انا الأحمر ما أشربه بالبيت بس أشربه بالإستقبالات والعزايم

    الأحمر أحلى شي ريدليبل وشاي أحمد


    انا حطيت معاه شكر الذره من تروبيكانا سلم

    ردحذف
  3. بالعافيه يارب..
    احب اجرب الجاي الاخضر ..

    وبالنسبه للجيس احس ينفع الاجانب اكثر منا انا مره خذيت من كارفور ع ابو حفاظ ع البيئة ماستخدمته الامره اهي اللي لما شريته ونسيته عقب :\

    ومشكوره..

    ردحذف
  4. بالعافية ..
    اعشق الجا الاخضر ولازم اجرب هذا

    ردحذف
  5. هلا رورو

    جربي هالجاي والله حلو

    والجيس انا أستفيد منه لأنه أستخدمه لما يتقطع:)

    ردحذف
  6. هلا بوذياب:)

    عيل ضروري تجربه وإن شاءالله راح يعجبك
    بس لاتخلي الخيط بالكوب أكثر من دقيقتين أو ثلاث بالكثير
    عشان لايصير طعمه مر

    ردحذف
  7. ولا مرة شربت شاي اخضر و ما احب الشاي الاحمر و شاي حليب اشربه اخر جمعة بالشهر بس لوووووووول
    تهقين اجرب و بيعجبني؟؟

    ردحذف
  8. الجاي الاسود يعدل المزاج ..اما الجاي الاخضر يعكر المزاج

    ردحذف
  9. بالعافية

    احب كل انواع الشاي ما عدا الاخضر


    شفت هالجياس بس ياختي ما ايبون الراس... جم آيتم يشيل؟

    ردحذف
  10. عليج بالعافيه حبيبتي

    ان شالله بشتري منه حق جيرمني تدرين فيني

    ادمنت الgreen tea

    شكرا :)

    ردحذف
  11. هلا مشاعرها

    حياج الله بالبلوق أسعدتني مشاركتج:)

    حلوه آخر جمعه بالشهر ههههههه

    جربي يمكن تحبينه ويمكن ماتحبينه ماأعتقد في حل وسط

    ردحذف
  12. هلا سامي

    رايك مثل راي زوجي:)

    عنده الجاي الأسود يعدل المزاج
    والجاي الأخضر الله يديم النعمه شلون تشربينه ههههههه

    ردحذف
  13. هلا chandal/danchal

    صاجه الشاي الأحضر ياتحبينه ياتكرهينه

    يشيل آيتم شويه
    وينفع حق الصيف وطلعات البحر:)

    ردحذف
  14. هلا كريزي

    إدمانج صحي:)

    إي إخذي معاج حق جيرمني مع إنه هناك بتحصلين أنواع أحلى وبدون الدبوس الحديد بالخيط

    ردحذف
  15. الحمدلله و الشكر انا مادري ليش ما اطيق الشاي الاخضر .. والله كل ما شربته تقلب معدتي علي و تلوع جبدي .
    الشاي الأحمر بنظري أحلى بوايد و بالذات ريد ليبل .

    ردحذف
  16. هلا Hopeless Sight

    حياج الله بالبلوق أسعدتني مشاركتج:)

    إي هذا الشاي الأخضر ياتكرهينه ياتحبينه-صاجه ريد ليبل حلو

    ردحذف
  17. الشاي الأخضر صحي ويضعف وفوائده واااايد عكس الشاي الاحمر اضرار وااايد وانا احب الشاي الاخضر وافتح ريجي فيه كل يوم او نسكافيه ...وان شاء الله اجرب اللي عار ضته لنا..

    بس عندي سؤال محيرني انا من زمان متابعه مدونتج بس اللحين من خلال الردود دخت انتووا ثنتين بالمدونه الوحده ولا انا راسي مفتر ..رجاءا جاوبي عل هاللأسئلة علشان استوعب؟؟؟؟؟؟؟

    منوووcrazy girl in germany

    ومنو lawyer-q8
    ومنو crazy girl in good way

    ????????????????????????
    وسوري على بلاغة الشف بس ابي اعرف انتو ثنتين ولا ثلاث ولا وحده علشان استوعب لا اكثر ولا اقل....

    ويعطيالعافيه

    :)

    ردحذف
  18. هلا جيزكيك

    حياج الله بالمدونه

    صاجه للشاي الأحضر فوايد وااايد
    جربي هالنوع وإن شاءالله راح يعجبج


    إسم المدونه=Crazy Girl in Germany

    صاحبةالمدونه=Crazy girl in good way

    وانا رفيجتها إخت دنيا وضافتني معاها بالمدونه يعني صرت
    عضوه بالمدونه=q8-lawyer


    يعني احنا ثنتين بالمدونه
    كريزي ولوير :)

    ردحذف