السبت، 1 مايو، 2010

Best days during my visit Q8

مرحبا جميعااااا

في هالبوست بكتب باختصار لاحلى الايام اللي قضيتها بالكويت ومع اقرب الناس على قلبي

طبعا اول ماوصلت يتني عزااايم ودعوات على شرفي ... عشتو خخخخخخخ
بذكرها لكم واتمنى اكون مانسيت عزيمه احد لوووووووووول
قولو ماشالله

اول طلعاتي كانت مع مس ميوزيك ورحنا الرايه واعزمتني على تشوكليت اند ماكرون

اول مرة اجربه وحيل عجبني الاكل والسويت

وطبعا كنا نقرق اكثر من ماناكل ههههههههههه

رحت مع ام مشمش ولوير الافينيوز وتريقنا في لونوتر

اللي يضحك انهم مزرقين من الدوامات الا رهش حبيبتي ماكانت معانا

واذكر دخلنا المواقف الساعه 8 ونص وقعدنا انا وام مشمش بالسيارة نقرق على مايبطلون

وصعدنا الساعه 9 الا خمس وسالته

What time u open ?

قالي

NOW loooooool

عاد كريزي تبي ترقعها جان تقول

I mean what time cloes hhhhhhh

ونورتنا بسمه الغاليه بطلتها الحلوة وكملت الريوق معانا

وطبعا افتتحنا البوفيه وسكرناه هههههههه

ومابقى سااااااالفه ماقلناها .... قلبناها جاي ضحى

لوير واختها غصون الراك طلعو يتسوقون بالافينيوز وانا عزمت نفسي وقلت حق لوير مريني

وفي شي يقرقع بقلبي وودي اقوله عن موقف صارلي مع ام لوير بس يبيله بوست بروحه

بعد اذن لوير ههههههههههه

بعد ماتسوقنا شيشتهم كريزي الشريرة على ماكي :)

طبعا ذكرت من قبل عزيمه حبيبتي ام مشمش مطعم ايامي رحتله ريوق مع فرقه حسب الله
ورحتله على العشى مع مس ميوزيك

وحيييل عجبها وعندي احساس الحين مدمنه عليه :)
عزيمه بسمه واكيد في مطعمها المفضل مياس بمنتجع شيك
ماصورت بس هذي صوره قديمه
طبعا كان على العشى
عزيمه لوير على شرفي طبعا في بي اف جانس

وعجبني الاكل خاااااااااصه الديناميت اممممممممم
اختي وحبيبتي الغاليه اعزمتني مع ولدي في راايس
اول مرة اجربه وطلبت على ذوقها مموش ربيان لذييييييذ
عزيمه حبيبتيN في مطعم الستيك بالافينيوز
كنت حدي ولهانه عليها وهم قعدنا نقرق بس كليت الستيك كله

واطلبتلي على ذوقها وحييل عجبني الستيك عندهم
طبعاااااااااا حبيبتي بنت خالي نسيني الدنيا اعزمتني على الغدى في لورنزو الافينيوز

وصارلنا موقف لانحسد عليه بس يبيله بوووووووووست
اخوي الغالي حنيت عليه على مطاعم المباركيه ووداني وهني اتفقنا على مشروع
وراح انزل بوست عن هالمشرووع
رهش اللي احلى من الرهش
اعزمتنا على ريوق مطعم البلد ووايد كان حلو الريوق خااصه الفته والفووول رحله يوم واحد

وين وليش ؟؟؟؟؟؟
راح انزل بوست عنها
الختام كان ريوق من نونا المزيونه في بيت بسمه
طبعا ماكان في قرقه ... كان في بجي :(
لان هالريوق قبل سفرتي بيوم
وراح انزل بوست عن الريوق ومن وين :)
هذا مسج من لوير
ازعجتها وكل ماابي اطلع اقولها كلها جم يوم وبسافر
فديتها
في النهايه

حبيت اشكر كل من عزمني وكل من ونسني باجازتي
ولله الحمد نسيت تعب وصعوبه غربتي
في هذي الاجازة
وعرفت من يحب كريزي ومن مشتاقلها ومن فقدها صج
احبكم وايد وعسى الله لايفرقنا
شكرا جزيلا وماقصرتو حبايب قلبي

هناك 20 تعليقًا:

  1. ان شاءالله دوم تجمعكم الافراح والله لا يخليكم من بعض

    :)

    خوش جولة وبانتظار التفاصيل

    :))

    ردحذف
  2. كل ما شفت صوره اقول حسافه لو مصوره الباجي واخر شي زاد التشويق المفروض تكتبن هذا الموجز وطبعا احنا بننطر التفاصيل..

    ماشاءالله الله يهنيج وبالعافيه يارب..

    ومشكوره..

    ردحذف
  3. عليكم بالف عافيه :*

    والله يخليكم لبعض ودوووم مستانسين يارب


    ناطرين التفاصيل


    شكرا :)

    ردحذف
  4. ياحلو هذيج الأيام
    شهرين من أحلى الشهور
    حده وناااااسه
    كنا في سياحه داخليه
    بربوع الحبيبه الكويت:)

    شنو كان كله هياااااااته لدرجة ريلي كل ما بطلع يقولي بعد اليوم!! وأقوله حرام كريزي مابقى شي وترد ألمانيا

    عاد آخر شي على الريوق أقوله خلاص هذا آخر يوم يقولي عيل سلمي على
    كريزي وقوليلها طولي شوي
    بألمانيا خخخخخخخخخخخخ


    طبعا غشمره موصج لووووووووووووول

    ردحذف
  5. الله يحفظكم, ولا يفرقكم قولي اميـــن , بس اسامي صديقاتج معقدة ..

    وتروحين وترجعين بالسلامة ان شاء الله

    ردحذف
  6. الله يحفظكم, ولا يفرقكم قولي اميـــن , بس اسامي صديقاتج معقدة ..

    وتروحين وترجعين بالسلامة ان شاء الله

    ردحذف
  7. الله يحفظكم, ولا يفرقكم قولي اميـــن , بس اسامي صديقاتج معقدة ..

    وتروحين وترجعين بالسلامة ان شاء الله

    ردحذف
  8. شوقتينا ناطرييين شكلها سوالف اتونس :)

    ردحذف
  9. ماشاءالله علييييكم بالعافيه كلكم عيل زدتي لج جم كيلو ورديتي


    اهم شي استانستو وناطرين احداث البوستاات

    المشرووع

    والموقف الي لاتحسدون عليه

    ردحذف
  10. chandal/danchal

    الله يسلمج حبيبتي ويخليج

    شاكره لج المتابعه والمرور

    ردحذف
  11. رورو

    اي أنا كاتبه باختصار لان بعض الصور لهم تكمله

    الله يعافيج حبوبه

    شكرًا على المتابعه

    ردحذف
  12. جايونه

    الله يعافيج ويسلمج ياارب


    شكرًا حبيبتي

    ردحذف
  13. لوير

    حياتي والله صج كأني كنت مهاجرة ههههههههه
    جوله بالمطاعم مرة ثانيه ابي جوله اثريه

    ودوني فيلجا خخخخخخخ

    الحين عاد قعدي في البيت خشي الطلعات اذا ييت


    وسلمي

    ردحذف
  14. نمووول

    الله يسلمك والأسامي نكات لهم مو اساميهم الصج خخخخخ

    الله يسمع منك

    شكرًا على المرور

    ردحذف
  15. ShaymoOona

    منورة ... شوي اضبط البوستات

    شاكرتلج المتابعه

    ردحذف
  16. DoDoq8

    الله يعافيج حبيبتي وعلى الوزن
    اول مارجعت يقولولي كنتي بمجاعه

    بيني وبينج أنا حدي مستانسه

    بس غميضه زدت شوي بالوزن خخخخخخخخ


    شاكرتلج مرورج ومتابعتج

    ردحذف
  17. الله يردج بالسلامة .. استانسنا مع الرحلة ... اهم شي اني عرفت ان عندج ايفون مثلي ^_^

    بالتوفيق في حياتج اختي كريزي

    ردحذف
  18. بدون تعليق

    الله يسلمك اخوي وشرفني مرورك بالمدونه

    تصدق سالت نفسي شلون عرفت ان عندي ايفون ؟؟؟؟؟؟؟

    لما رجعت للصور عرفت الجواب من اخر صورة لوووووول

    حياك الله اخوي وشكرا

    ردحذف
  19. نسيني الدنيا3 مايو، 2010 9:21 م

    تستاهلين يالغاليه والله وحشتيني وان شالله تردين بالسلامه

    ردحذف
  20. نسيني الدنيا

    تستاهلين الطيب ياحياتي

    وانتي بعد لج وحشه بس بدون حوادث ومخافر ههههههههههه

    الله يسمع منج

    شكرا

    ردحذف