السبت، 29 مايو، 2010

التاج السلطاني

قوانين التاج السلطاني:

اذكر اسم من طلب منك حل هذا الواجب

تحدث عن ستة أسرار قد لا يكتشفها من يقابلك للمرة الأولى

حول هذا الواجب إلى ستة مدونين، واذكر أسماءهم مع روابط مدوناتهم في موضوعك

اترك تعليقا في مدونة من حولت الواجب إليهم، ليعلموا عن هذا الواجب

اسم من طلب منا حل الواجب

Made_n_Q8

Sami

الأسرار راح تكون بالنص بيني وبين لوير

كريزي باللون الوردي ولوير باللون البنفسجي

أسرار كريزي

1- هو عمري .. اللي يشوفني من اول مرة يعطيني اصغر من عمري ودايمن اصادف ناس عبالهم عيالي اخواني الصغار هههههههه

2-القعده في المطعم .. احب اختار الكرسي بالطاوله وعادي اذا ماعجبني اخلي اللي معاي يبدل معاي بالكراسي حتى مرة بسمه قالت الحين كريزي تلعبكم لعبه الكراسي لوووووول

3-مااكل البطاط السبايسي الا مع روب ومااحب اكل شاورما الا مع لبن او كوكتيل خخخخخخخخخخ

أسرار لوير

4-التلفون من سنتين يتني حاله غريبه سميتها النسات على الموبايل ماأرد على أحد من يرن أحطه سايلنت مع إني أكون فاضيه و تحوشني هالحاله الغريبه جم شهر بالسنه طبعا بإستثناء أمي وأبوي وريلي أرد غصبن علي حتى لو كانت حايشتني نسات الموبايل

5-بالأكل أموووووووووت على السي فود بجميع أنواعه ولله الحمد ويكسرون خاطري الناس إلي ماتحب السي فود لأن أحسهم ماتمتعوا بحياتهم

6-االلغات أكره اللغه الفرنسيه وأحسها متعبه جنه الواحد قاعد يتمضمض ياااااحلو الإنجلش لوووووووووووول

تحويل الواجب الى سته مدونين ورابط مدونات اللي اخترناهم موجودين في

MY FRIENDS BLOGGING

1-AM.SA.CHANNEL

2-Ƒiona H. Al- Ƨharekh

3- LO.NAN.JO

4-Manal E. AlNuaimi

5-cheese cake

6-Pink Girl

حييييييل حبيت هالموضوع لان اول موضوع مشترك بيني وبين الغاليه لوير

هناك 10 تعليقات:

  1. كريزي،
    انا اشترك وياج بالعمر
    بس انا اللي يشوفني مرات يعطيني اكبر من عمري :>

    لوير،
    اشترك وياج بالسي فود،
    اعشق شي اسمه سي فود بس مشكلتي مشكلة
    ربعي كلهم ما يحبون السي فود
    فعشان اروح مطعم سي فود لازم تصير حرب يالله افوز لوووول


    يعطيكم العافية :)

    ردحذف
  2. حقوقي

    حياك الله والله يعافيك

    بالنسبه للعمر انا اشوف العامل الرئيسي اللي يخلي الناس تعطيك اكبر والا اصغر من عمرك

    الضعف والمتن :)

    ردحذف
  3. ثانكس عالحل:)

    وحلو اكل السي فود ويفضل لو احد يضبطه يكون احلى واحلى

    ردحذف
  4. انا صج ما اكل لحم و دياي ..لكن بالتاكيد اكل سنج و ربيان ..و لا ما اطلع كويتي

    الله يعطيكم العافيه :))

    ردحذف
  5. أهلين حقوقي:)

    إي والله مشكله لأن حلاة أكل السي فود باللمه بس أشوه دام تفوز بالحرب
    وأهمه يااااااحرام خلهم ياكلون بس سلطه وسويت وإنت إستمتع بما لذ وطاب لوووووووووول

    وحياك الله يازميل المستقبل p؛

    ردحذف
  6. أهلين Made n Q8 :)

    أحلى أكل سي فود بالكويت

    فيش ماركت وأحلى شي إلي يكون باليمون والزبده

    وتوتالي فش أحلى شي عندهم القباقب بصلصة البشاميل يمي يمي وأهم شي سهله بالأكل ماتدمر وريلي يموت على المصلصز إلي يسوونه

    نصيحه جربيهم وادعيلي p؛

    ردحذف
  7. أهلين سامي:)

    إلي مايحب الزفر ما اعتبره كويتي

    شرايك بحلنا للواجب انا وكريزي p؛

    ردحذف
  8. شاورما مع لبن ):


    أنت متأكدة أو في جواب ثاني ؟؟

    أوكي إشلون ينزل للمعده

    بس قريتها حسيت بعوار بطني


    تحياتي

    ردحذف
  9. panadool


    لووووووول اي متاكده

    شوف انا اقولك الشاورما واللبن هني بالمانيا ... نفس الاتراك :)

    وبالكويت شاورما وكوكتيل


    عورك بطنك خخخخخخخ

    بغيت اكمل باقي العادات الغريبه في الاكل بس حبيت اكتفي بهالشي :)


    شكرا

    ردحذف
  10. ثانكيو على الهوم وووورك استمتعت في حله

    ولاحظت في شغلات مشتركه بينا :)

    ردحذف