مسااااء الخيرات
من فترة قلت لكم في مشروع مغامرة اتفقنا عليه
وهو
سفرة ليوم واحد
وااايد ماأيدوني الفكره
وحاولت اقنع اخوي وكانت المناقشه في سوق المباركيه
ووافق
واتفقنا على المكان والطيران والتاريخ
وقالي انتي القايد خخخخخخ
كريزي اشتغلت تحريات وتحقيق مع كل واحد عنده خبرة في دبي
اكثر شخص ساعدني بنت خالي نسيني الدنيا
اقترحت علي جدول وكان اوكي
دبي لمده يوم واحد على طيران الجزيرة
الاشخاص كريزي وبومنورة وام منورة
الغرض مغامرة لاتخلى من الشوبينق السريع ههههههههه
نبدي باسم الله وتوكلنا على الله
وقت طلعتنا من البيت
اعجبتي هذي الشاشه يديده فيها دعاء السفر
الريوق كان من كوستا
دام كريزي وام منورة بالسفرة
خذينا جنطه صغيره للمشتريات
وماكفت لووووول
هذا القيت عارفني ههههه
بالمجله قريت ان مطعم ايامي اللي حطيته في بوست
من افضل المطاعم
صور من دخول دبي دار الحي
الوقت كان بتوقيت الكويت
شارع الشيخ زايد
على قوله بنتي
يعني هذا شنو ؟؟
اتلانتس
صور من المدخل والاكواريوم
هاااموووور
وقت الريوق
حمامات السباحه
محطه الجت واي
هذا هو وصل
ركبنا وراح يمر على منتجع النخله
طلعنا وخذينا تاكسي نكمل مشوارنا
كنا ناوين نصلي ونتغدى بس الجو مايساعد
ماشالله
البنيان في دبي
لايوقف لايوقف
ارقام كبيرة على تقريبا كل العمارات اليديده
اخر محطه كانت
دبي مووووووول
الشلال
السكي وعجبني الشاشه لما يأذن تطلع هالصورة
ياليت يحطون جذي في سيارات الافينيوز
قررنا نتغدى في ارماني كافيه
هذا كان الطلب
لذييذ ويسوى
لازم نمر عليهم اذا ضيعنا خخخخخخ
بعض من المشتروات
ماكرون وحلو لذيييييذ
لازم حق اليهال
ذقنا منه لذيذ وعجبني شكله ووااايد انتيك
خذينا للوالده هالبوكس
كريزي والسوفينرات
دزتلي مسج بنت خالي ماقصرت ووصتني على هالكافيه
طريقتهم كيكه نوع واحد مع اي نوع مشروب
طبعا اخترنا كرك هههههههههه
واااايد واااايد لذيذه وترررفه
هذا رحتله في لندن وحطيته في بوست
الحمد لله عالسلامه
ردحذفسفرتج حدها أوووكى
تونى ياى من دبى
ماودك تهدها
تغطيه مصورة مميزة الصراحة باقى المترو لو راكبينه ومصورين فية جان كملت
شكرا عالبوست
مـــا شــــاء الله عـــليج، و الله حلوه هالسفرة مال يوم كامل، تسيرين شوبينج يوم واحد وتردين ههههههههه ..
ردحذفبغيت أسألج هالمطعم أسود و أحمر حلو جربتيه؟ دوم أشوووفه بس مادري ما تشجغت آكل منه ..
و عن الكرك لو قلتيلي جان قلتلج من وين أحلى كرك ممكن تلقينه .. بس طبعا مب من مووول من كافيتيريا في الشارع ههههه و اللع عجيب هالكافتيريا يوم بتين قولي بنحطلج أماكن الكرك ههههههه ...
و النوافير يوم تشووفينهن على الطبيعة أحلى بالذات يوم يرقصن على الجسمي أحلى شي .. !!
و آخر شي ما بطول عــليج بالرمسه.. عن العمران في دبي، بالعكس وقف العمران في دبي من عقب الأزمة يعني قبل تحسين لو نحنا سافرنا و ردينا دبي تشووفينها متغيره شوي، .. عكس الحين شوي شوي يشتغلون و ها أحسن شي.. بس الحين أحسبم مركزين على الشوارع و المترو .. !!
حلو ماشاءالله..
ردحذفانا قلت 3 ايام ماراح اشوف شي بس شجعتيني اروح :)
مشكوره..
عليكم بالعافية
ردحذفشكلها خوش سفرة, دمها خفيف
اكثر شي عوّر قلبي (الكرك)
آآآآآآه غرامي وانتقامي... مستعدة اعيش عليه!
لوول وانا طول الوقت عبالي بزنز
ردحذفعليكم بالعافيه ودي اجرب السفره الي جذي :)
panadool
ردحذفالله يسلمك والحمدلله على سلامتك
اي قريت البوست اللي نزلته عن دبي
احنا اخر اليوم ضاق خلقنا لانا بنرجع
بس الظروف ماتسمح نطول :(
بالنسبه للمترو انا حطيته بالجدول وكان المفروض من دبي مول الى المطار
بس تكون الطريقه ناخذ تاكسي لين محطه المترو وبعدها ننزل في محطه وناخذ تاكسي لين المطار
قلنا ماله داعي اسماعيليه راح جاي ههههههههههه
شكرا على المرور
AM.SA.CHANNEL
ردحذفهلا والله فديتج على قولتكم :)
السفرة الحمدلله كانت حلوة ومو غرضها الاساسي الشوبينق بس تعرفين لازم نتشرى هههههههههه
والكافيه حيل عجبني وكان في جمهور ولو مجربته صورت بس ان شالله انتي تجربينه وتحطينه لنا في بوست :)
اتوقع حتى اكله احمر واسود خخخخخخخخخخ
والكرك زين شفته في مول دبي والا ماعندنا وقت نفتر بالشوارع ندورهم لوووووول
اي النافورة انا مصورة كل الاغاني واغنيه الجسمي بصبر على فرقاكم كانت روووعه بس فيها مصورة الجماعه اللي معاي وممنوع الفيديو من العرض هههههه
طولي واخذي راحتج بالرمسه :)
اي وانا لاحظت المترو والشوارع واايد فيهم تعديلات
الله لايغير عليكم ويكفيكم شر الازمات
شكرا على المرور فديتج
رورو
ردحذفدبي ماتكفيها يوم بس اللي يبي يقدر يشوف بهاليوم اللي يبيه وماراح يكفي
العفو حبوبه :)
جندل
ردحذفالله يعااافيج حبيبتي
اي والله خوووش خوووش سفره
الكرك صج عوار قلب تنسين الشعب والله لوووووووووول
وانا معاج بالحمله مستعده اعيش عليه :)
شكرا :)
دودو
ردحذفمو قلتلج تفكيرج راح بعيد ؟؟
الله يسمع منج واسوي بزنز ناجح بس حاليا وضعي الغير مستقر بالديرة مايسمح للاسف :(
الله يعافيج وجربي انا رجعت بس اتكلم واشيش الناس هههههه
شكرا:)
عيبتج شكلها الرمسه ههههههههه ... فديتج أنا مووووول ما أستخدمها بس حق اليهال اقوولها هههههه ما أعرف ليش .. !!
ردحذفشكلي بسير أجربه في يوم من الأيام مشكلته هو إنه في ويه الدري و اللي ساير و راد يشووفج .. !! بس من أسيرله إنشاء الله بصور و بنزل بوست لج .. !!
و إذا فكرتي تين دبي قوليلي عشان أدليج الكفتيريا على الأقل تشربينه لين دبي موول ههههه ..
طلع هذا المشروع هههههه
ردحذفبس والله احلى مشروع لانه وناسه
احنا كل مره نقرر نروح يوم واحد ونرد اخر شي نحجز اقل شي 4 او 5 ايام
احس اسبوع احسن شي لدبي عشان تروحين كل مكان وعلى الراحه
يا حلو الصور ذكرتيني بالي مضى اهي اهي اهي :(
مشكوره :)
الحمدلله على سلامتج ..
ردحذفعليج بالعافية السفرة والمشتروات ،، حلوة السفرات اللي لا عل بال ولا عل خاطر! دايماً تطلع شي شي :)
دمتي بخير
AM.SA.CHANNEL
ردحذفاموت على الرمسه الاماراتيه والحين متابعه مسلسل ميساء مغربي اللي على ابوظبي ورمستهم عايبتني :)
جربي الكافيه وعطي الدري ظهرج خخخخخ ولاتنسين تصوريلي فديتج :)
انا احاول بريلي رجعتنا للكويت تكون عن طريق الاماراتيه عشان نقعد على الاقل ليله فيها على قوله اخوي دبي دار الحي ترد الشايب حي :)
شكرا حبوبه :)
جايونه
ردحذفاي احلى مشروع
ماادري جم يبيلها دبي بس لو يوم تهبل
العفو ياحياتي :)
Engineer A
ردحذفهلا بمهدستنا .. الله يسلمج
ويعااافيج ... هالسفرات لها طعم ثاني وحلو :)
دمتي بخير حبوبه :)
وااااو ماشالله عليج كريزياا!
ردحذفعاد مخططين انا و عمتي و ولدها و اخوي على سفرة قصيرة زي حالاتكم D:
بس مو يوم بالضبط.. يوم و نص تقريباً
و هم دبي .. دار الحي
يا حبي لها :)
الحمدلله على سلامتكم
و سفرة رووعة و مشتروات أروووع :*
:
Super Sara
ردحذفاحنا سفرتنا 12 ساعه مو يوم نص يوم خخخخخخخ
الله يسهل سفرتكم وان شالله تستانسون فيها
الله يسلمج ومرورج الاروع
حياج الله ونورتي البلوق
شكرا
إي والله إنتي بس تيين الكويت تشيشينا وعقب تردين ألمانيا جنه ماصار شي
ردحذفموانا من يوم رحتي وانا أحن على ريلي بروح يوم ومن غير اليهال
أحسه من داخله يقول ياليت كريزي ماراحت وابلشتنا ههههههههههههه
بس بأجلها لما تردين ونروح كلنا قروب انا ووياج وباجي فرقة حسب الله على قولتج عاد تخيلي الروحه شلون بتصير>>>>
أتوقع بنقعد نهذر بالمترو وأهوه يفتر فينه دبي ستين ألف مره بس ننزل ناكل ونصعد مره ثانيه لوووووووووووووول
امبيييييه عيل أروح مع اليهال أرحم منكم؛)
وناااسه من زمان بسويها بس مادري شلون اخاف مايمدي
ردحذفانزين الجنطة الي وياكم وين وديتوها؟ تسوقتوا وهيا بيدكم يعني؟ سؤال حده محيرني لول
الحمدالله على السلامه
ردحذفوصراحة اطقلج تحية على هالسفره نفس مزاجي صارلي فتره احن على زوجي على سفرة جذي ولدبي ليوم واحد بس يقول ما تسوى لو فيها نقعد ثلاث ايام على الأقل وكافية ارماني تمنيت اجربه رحناله انا وزجي وكان فل مافي مكان زحمه وكانا تعبانين ما بغينا ننطر ودبي تهبل تهبل ياربي أحب هالديره من قبل وزرتها وعشقتها كل ما سافرت لازم اخذ فيها ترانزيت يومين او ثلاث ..
ومن صجج ما عرفتي هالكافيه كافيه هيدرد مشهوور حيل في اوربا اهوا في فرنسا وقديم حيل بس ما ادري اذا موجود بألمانيا ولا لأ ؛) واول فرع يفتحون في الشرق الأوسط في مجمع دبي مول واكله لذيذ حيل مو شويه والشوكلت والكيك يمي يمي ويستاهل الواحد يجربه وعلى ضمانتي ...
والنافوره شي خيال ياربي شوقتيني اطير اللحين لدبي ,,,,
ومن افضل البوستات اللي حبيتها هالبوست ...يعطيج العافيه :)
حده وناسه كلا اقول حق ريلي اقولي ما يسوى بس وريته البوست قالي يبيله :@ بس وعدني بس اولد انروح :)
ردحذفيعني بس اطلع من 40 برووح ان شاء الله مايصادف رموضان
خوش بوست :) موفقه
لوير
ردحذفصج شيشت الكل لووووووول
اهم شي يفتر فينا المترو يمكن انتي وبسمه عادي بس ماعليج انا ورهش نعرف نمشيكم ههههههه
لا ممنوع اصطحاب الاطفال نصيحه
شكرا وان شالله نشوف لج بوست مثل هالمغامرة :)
Tum Tum
ردحذفحياج الله في البلوق
اذا ماخفتي راح يمديج
بالنسبه للجنطه سحب وفاضيه مافيها شي يعني خفيفه وطول اليوم معانا نتناوب عليها لووووووول
شكرا واي سؤال يحير انا حاضرة :)
cheese 7cake
ردحذفالله يسلج حبوبه
شوفي دبي حتى 3 ايام ماتكفيها
تدرين دبي مول ماشفته كله .. على السريع
انا محد ايدني على هالفكرة وماطلبت الا من اخوي لانه من فترة راح البحرين يوم ورجع
وقلت اهو الوحيد اللي راح يوديني والا ريلي يقولي اذا ماطلعت من المطار وسيده الفندق ارتاح والا مااسافر ههههههههه
كافيه ارماني رحناله غدى وكان خفيف
ماالومج في دبي ونيسه
والكافيه اول مرة اسمع فيه وسويت سيرج مافي بالمانيا بس فرنسا قريبه منا وبشوف اذا موجود بالمناطق القريبه وبالسيرج يمدحون السويت عنده
شاكرتلج المتابعه :)
ShaymoOona
ردحذفالله يرزقج الهون والسلامه وانصحج مثل هالروحه وناسه
حتى كانو معانا كبل الصبح وبالرده شفناهم بس ماادري شنو جدولهم هناك خخخخخخخ
بعد العيد وايد حلو الجو في دبي
والله يوفق الجميع وشكرا :)
ماشاءالله وناسه .. عجبتني الفكره :>
ردحذفصايره جنها زواره ههههههههه
الحمدالله على السلامه حبوبه :*
ونااااااااسه..
ردحذفالحمدالله على سلامتج ..
ومغاامره تشوق والله
ودي اجربها:p
Fishah
ردحذفالله يسلمج حبيبتي
حلوة زواره :)
شكرا
'3ShMrGiaH
ردحذفالله يسلمج حبوبه
وانصحج بالتجربه
حياج الله في البلوق
شكرا
ماشاءالله عليكم بالعافيه
ردحذفروووووووعه..
شوقتيني..وانا باجر ان شاءالله ماشيه دبي..<<توصووون على شي ^_^
بوست مميز ومغامره حلوووه
اهنيج على هالجرأه
Engineera
ردحذفالله يعافيج ومرورج الرائع
تروحين وترجعين بالسلامه مااوصيج على الكرك كثري منه خخخخخخ
حياج الله وتعليقج ميز البوست
شكرا
الحمدلله على السلامة :)
ردحذفماشاءالله كل مالها دبي تتغير للأفضل.
عليج بالعافية بس نصيحة الي بيروح ياخذ سايق خاص عشان يروح كل مكان و يحط الشوبينق مع السايق بس اهم شي الباباروتي لذييييذه
ردحذف