الجمعة، ١١ يونيو ٢٠١٠

ريوق الذويقه كان احلى وداعيه

مسااا الحب

قبل اسافر بيوم ... طلبت من فرقه حسب الله نجتمع على الريوق
وداعيه من غير شر .. انا اعزم والفرقه تتصرف
مثل سفرتي اللي قبل
وكان اول بوست لي في المدونه

وهالمرة بعد نفس المكان في بيت بسمه ماقصرت حبيبتي
الشي اللي يضحك قبل الموعد بيوم دزت لنا بسمه مسجات .... وصارت هالمسجات سيناريو

احتفظت فيها وصورت لكم بعض منها مع اخفاء الاسامي الصجيه
لووووول
ياجماعه لاتفهمون لوير غلط هههههههه
ترا والله شقرديه بس احنا نحب نطفرها
هذي نظره عامه للسفره
بدخل بالتفاصيل

ميني ساندويتش مشكل والحشوااات وااايد حلوة
سلطه والدرسنق لذييييذ ناتشوز مع 3 انواع ديب
فته تركيه لذيييييييييذه وحاولت اقلدها بس للاسف ماضبطتها
المشروبات
خلاصه من يده مشمش ..... تسلم الايادي
الحلو كان تشيز كيك اممممممممممممممم
الصورة تتكلم عن نفسها
لابد من المكسرات
للتهضيم جاي نعناع
ماي ابراج لووووووووووول
الريوق كان من نونه ماقصرت حبيبتي .... طبعا اهي ماشالله طباخه

بس الريوق كان من وحده كويتيه ولها موقع بالنت وفيه المنيو والرقم

وكان يوم من احلى الايام اللي قضيتها خلال اجازتي بالكويت

شكرا لفرقه حسب الله واحبكم في الله

هناك ٢٢ تعليقًا:

  1. امبيييه بدعتي كريزي مصوره المسجات



    لووووووووووووووووووووووووووووول



    صج الله يقطع بليسج :)

    ردحذف
  2. لوير

    شرايج بسسسسس .. فضيحه خخخخخخخخخخ

    توني قريتهم قبل اكتب البوست وفكرت اصورهم :)


    دوم هالضحكه ياارب

    شكرا على المرور حبيبتي

    ردحذف
  3. امبيييه كريزي انا سهرانه والظاهر فصلت ماأدري ليش لما قريت البوست


    تذكرت مسرحية حامي الديار


    لما يقو أخي يابو سوسو ؛)

    ردحذف
  4. ثبتت الرؤيه ...... عوايدج سهرانه

    وباجر تكشتين لووووووول

    قويه قويه ودي اصدقك ... بدعتي على هالمسرحيه

    مشغله اليويتوب واشوفها ......


    مشكوووووورة على هالطاري اللي يوسع الصدر

    ردحذف
  5. تموتني من الضحك هالمسرحيه عجيبه:)


    سلي نفسج فيها بالغربه
    شفتي شلون رفيجتج ذويقه؛p


    خصوصا لما النفيسي يقول
    الحامل لها صوتين وإلحين إلى مطابخكم

    وسعد الفرج لما يقول
    نوطك بو ألف تحت ابطك وتركب قطارك



    ههههههههههههههه

    ردحذف
  6. بدعتي ههههههههههه

    صرنا نفس المسجات ذاك اليوم

    بسوي سيناريوووووووو


    لوووووول

    ردحذف
  7. بالعافيه يارب..

    ودوم هاليمعه :)

    ردحذف
  8. يم يم.. المره اليايه برز ويهي وياكم .. خخخخخخ .. أنا الصراحة لو تريقت هالريوووق برقد رقاااد، بس زين يوم حطيتوا النعنااااع ..

    و أحس الريووق في البيت أحلى حتى السوالف و الخراريف غير، و الله ملينا من طلعات المطاعم.. !!

    و يالله بالعافيه عليكم إنشاء الله ..

    بسألج موضوع ثاني، الحين الآيفون مسجاتهم جي و لا الجات هذا، شكله حلو ..

    و صح نسيت أقلج لول تراج صدمتيني لول يوم رديتي عن اليبل خخخخخ بسويلج بوست كامل إهداء حقج عن الجبال في الإمارات .. عشان تسوين بيكنيك يوم واحد خخخ

    ردحذف
  9. عليكم بالعافيه

    وان شاءالله تردون بالسلامه وتتيمعون مره ثانيه وثالثه ورابعه ... الخ

    ردحذف
  10. عليكم بالعآفيه .. شكل الآكل لذيذ
    و عساها دوم هاليمعات الحلوه :)

    ردحذف
  11. رورو

    الله يعافيج يارب ويسمع منج



    مشكووورة

    ردحذف
  12. AM.SA.CHANNEL

    لازم اذا بتزورين الكويت تبلغيني نسويلج احلى من هالريوووق

    اي يخدر هالاكل ههههه

    انا احب في البيت ورايي مثل رايج نقعد براحتنا ونلبس براحتها وحتى السوالف تصير احلى :)


    الله يعافيج حبيبتي

    هذا مسجات الايفون تصير مثل محادثه .. انصحج فيه وبقوة بس نطري الايفون 4 راح ينزل الخليج بعد جم شهر

    ووعلى اليبل ترا والله انا مااعرف الا دبي واشوف بنايات ورحت عيمان قبل وماشفت بعد يبل لووووول

    حبيبتي عاد تصلح لبيكنك هناك والا المكان مخيف ؟

    وشكرا على الطله

    ردحذف
  13. جايونه

    الله يعافيج حبيبت قلبي

    والله يسمع منج وكل يمعه مثل هذي لازم تتصور لووووووول

    مشكووورة

    ردحذف
  14. Princess Sara

    الله يعافيج .. والاكل فعلا لذيييذ

    والله يسمع منج

    مشكووورة

    ردحذف
  15. لا يصلح، بس لازم حد تعرفوونه يوديكم هنالك.. لأنه أحس زياغ شوي لو تعرفوون حد و مجرب سيروا بس جي تسيرون و تباتوون في خيمة أحس زياغ و بالذات عند اليبال ..



    الله يعينج على صوت الذيابه فليل.. خخخخخ طبعا مب في أي مكان..

    لأنه عنا مزرعة في حتا و منطقة جبلية الفليل تسمعين صوت الذيب لول تحسين عمرج في مسلسل بدوي هههههه .. !!


    عيمان مااافيها يباااال ..

    المرة الياية إذا ييتوا دبي روحو حتا بتعيبكم وااايد ..

    ردحذف
  16. واو عليكم بالعافيه صج ريوق عجيييييب وتنحت لما شفت الكيكه امبيه بالعااااااافيه

    ردحذف
  17. AM.SA.CHANNEL

    فيها صوت ذيااااب هههههههه

    ان شالله اذا نويت دبي بزعجج بالاسئله واهم شي الكرك اللي وعدتيني فيه

    مشكوورة

    ردحذف
  18. نسيني

    هلا بالطش والرش ... منورة

    الله يعافيج والكيكه تدووخ

    مشكوورة

    ردحذف
  19. ماشاءالله
    عليكم بالعافية

    ردحذف
  20. Hopeless Sight

    الله يعافيج حبيبتي وشكرا على المرور

    ردحذف
  21. الله ونااااسه

    عليج بالعافيه تستاهلين

    اكثر شي عجبني ماي ابراج لوووووول

    ردحذف
  22. cheese 7cake

    الله يعافيج حبيبتي وانتي تستاهلين اكثر :)

    ياحلات ماي ابراج مجكنم لووووووول

    ردحذف