الجمعة، 18 يونيو، 2010

توهق البطل مع التحديث

الصورة تمثل حالتي في هذا الوقت
في شهر اكتوبر اللي فات اتصلت علي زوجه صاحب زوجي وهي من الجاليه العربيه

تبي تتعرف علي
وعزمتها على شقتي وكانت العزيمه خفيفه وقعدت نص اليوم عندي
هذي عزيمه خفيفه لووووووول
وكانت اول واخر مرة اشوف هالانسانه
اتصلت اكثر من مرة بعدها وكان يصادف انشغالي في البيت
واقول اذا فضيت اتصل ... طبعا افضى وانسى الاتصال
وراحت في حال سبيلها

انا من النوع للاسف انسى بسرعه الاشكال والاسامي
مرة صاحبتنا ام مشمش قالت متوظفه عندنا بالدوام وحده كانت معانا بالكليه
وسالت يمكن تعرفونها ؟؟ فلانه الفلاني

وانط بجاوب الاولى قلت ايييييييييي الطويله والبيضه
قالت عاد قصيره وسمرة لوووووول
مشكله اللقافه ........
نرجع لزوجه صاحب زوجي ... بلغني زوجي امس انها بالمستشفى وبغرفه 309
قررت اليوم ازورها وقلت لازم امر اخذ جم ورده اللي يحطونهم الالمان بقراطيس وكاكاو كشخه
واقعد من صباح الله خير مثل الشقرديه واتريق مع عيالي ونكشخ ونطلع
وكنت مواعدتهم نتغدى بيتزا بالايطالي

وانا في دربي لمحل الورد اتصل زوجي وقالي اتصلي عليها يمكن تكون طالعه من المستشفى
قلت ماعندي رقمها .. قال اوكي اخذه من زوجها ..... قلت مااعرف اسمها خخخخخخخخ
قال نعم ؟؟؟
قلت والله توه طرى علي ... اصلا نسيت اسمها ..........

قالي مو لازم الاسم خخخخخخخخخخ
قلت شلووون ازور انسان ناسيه اسمه !!!!!
احاول اتذكر مني مناك ...
بطلت موبايلي اشوف الكونتاكتز يمكن يطلع اسمها يشابه احد الاسامي الموجوده

ماكو
اغلب الاسامي ام فلان وام فلانه وبنت الفلاني واسامي دلع لوووووول
وهقه شنو اسويييييييييييييي
ياربي من تخرجت من الجامعه وانا عندي فقد جزئي للذاكرة ...
اشوى اذكر المقربون من الدرجه الاولى
اما اكثر من هذي الدرجه نسيتهم
المشكله لو اروح واسال النيرس هناك شنو اسم اللي بالغرفه 309

راح تجاوب وتقول السيده فلان لوووووووووول
والله اعرف اسم زوجها وبالكامل بس اهي شنو اسمها
تمشيت بالسنتر واحاول اتذكر واتصل زوجي يسأل تذكرتي الاسم والا لا
قلت لا
قالي زهرة .. عائشه ... هند ههههههههههه
قلت ولا واحد ........

رجعت للبيت طبعا بعد ماتغدينا بيتزا ...... لازم مطعم مع كل طلعه والا مانصير كويتيين

والى هذا الوقت من منتصف الليل وكريزي تفكر بالاسم وتحاول تتذكر
ياربي ساعدوني شنو اسوي والله ابي اكسب اجر بدون مااتفشل ......
عاد عندي حساسيه من الفشله
تحديث

تم بحمد الله الزيارة
اول مادخلت وسلمت .. دخلت صاحبتها وقالت لها كيفك فلانه
قلت هييييييييييييييياااااااااا واخيرا عرفت الاسم

شكرا لتفاعلكم واقتراحاتكم

هناك 36 تعليقًا:

  1. لوول والله وهقه روحي على رقم الغرفه او طلبيها من اسم زوجها لان هناك جنه ينادونهم على اسامي ريايلهم

    كلش كلش زوريها بالبيت لمه تطلع

    ردحذف
  2. DoDoq8

    اعرف رقم الغرفه واسم زوجها بس اسمها مااعرف

    المشكله ماعندها عيال عشان اناديها بام فلان مثلا


    اي الالمان يسمون المراه باسم ريلها

    وانا ابي اذكر اسمها

    ردحذف
  3. لوووول
    انا دايم تصير معاي هالمشكلة
    انسى اسامي اللي اقابلهم مرتين او ثلاثة
    والمشكلة لما اشوفهم يعرفون اسمي ويقولولي هلااا محمد
    وانا ناااسي الاسم اي هلا بالحبيب هلا والله لووووول

    الله يعينج ماكو حل P:

    ردحذف
  4. حقوقي

    شنو اقولها شلونج يالحبيبه لووووول

    عاد مااعرف اجامل للاسف

    اصير نصابه :(

    ردحذف
  5. امبيه و الله حاسة فيج و أدري فشلة بس صدقيني أول ما تسألينها و تقولين شنو اسمج انت بتذكرين قبل لا تقولج هههههه
    دايم تصير معاي

    ردحذف
  6. ماكو الا تقولين لها مدام فلان خخخخ..

    او ماتيبن طاري الاسم مو لازم..

    يعني شلونج وشخبارج والحمدالله ع سلامتج والخ ماله داعي بالحوار ينذكر اسمها :\

    انا مو نسايه الا محي صاير ابيض ياورد مادري فل خخ..

    والله يعينا ع هالذاكره :\

    ردحذف
  7. و الله ظحكت على هالجملة ..

    "رجعت للبيت طبعا بعد ماتغدينا بيتزا ...... لازم مطعم مع كل طلعه والا مانصير كويتيين "

    ماشاء الله عليكم..

    ==========

    أنا بعطيج الحل و ايد سهل و ما يباله شي .. !!
    أنا بعد أعاني من هالمشكلة وااااايد أتبهدل لكن حليتها ..

    الحل الأول:-

    عرفي عندهم ولد أو بنت و إذا طلع ولد زقريها بأم فلان أو فلانة..

    ماعندهم عيال، و هاي الطريقة اللي أستخدمها دووم ..

    دخلي و سلمي و كل شي و لا تقوولين إسمها، عادي كلميها و بين الكلام قولي أي إسم يركب على ويها، يوم بتقولج نسيتي إسمي، قوليلها ما نسيته لكن أنا مسجلتنج بهالإسم لوول . و بس مشيها.. عاااادي ما بتظايج ..

    أو الحل الأحسن يوم بتسيرين الحجرة أكيد بتشوفين مني و لا مناك إسمها مكتوووب و حتى لو تسألين النيرسات شو إسم اللي في الغرفة هذي بيقوولوولج ..

    و سيري والله لا تتريين أكثر .. !!

    ردحذف
  8. احسن حل انج تروحين تزورينها و خلج عادي سولفي معاها و كل شي بس طول ما انتي قاعده لا تذكرين اسمها مافيها شي P;

    ردحذف
  9. Hopeless Sight

    صح فشله وللاسف ليلحين ناسيه :)

    ردحذف
  10. رورو

    عاد مدام فلان قويه ههههه

    ماكو الا هالحل :)

    ردحذف
  11. AM.SA.CHANNEL

    اي من صجج ...... لازم مطعم .. اصلا توقيت تقضيه الاغراض اما قبل الغدى او قبل العشى

    عشان اذا خلصنا نروح مطعم خخخخخخخخخخخ

    الحل الاول ..... للاسف ماعندها عيال

    الحل الثاني بعد مايصلح لان اذا بسال النيرس راح يقولون السيده فلان ..... يعني اسم زوجها مايكتبون اسمها لوووووول

    مشكورة على الحلول

    ردحذف
  12. أزال المؤلف هذا التعليق.

    ردحذف
  13. Being One

    اي انا قررت اسوي جذي وبعد مااطول عشان لاندخل بالاسامي ههههههه

    وحياج الله في البلوق

    ردحذف
  14. سرتيلها و لا بعدج ، و يوم بتسيييرين خبرينا شو إستوى .. أحس الموقف يظحك لوول

    ردحذف
  15. والله أنا مثلج فيني فقدان ذاكرة عجيب بسرعة انسى
    وتلاقيني اسلم على الوحده وانا اعرفها بس مستحيه أسألها شنو اسمج .
    والله وهقه
    الله يعينج

    ردحذف
  16. لوووووول

    انتي مشكلتج صعبه :))

    مادري لقيتي حل للحين والا لازال البحث جارياً؟؟ :)

    ردحذف
  17. ياشين النسيان اذا مو بوقته

    ولا كلش عاد لي ييتي تسلمين ها شسمج ...شلونج شخبارج؟ اشكره يعني ناسيه الاسم خخخخ خو سلمي من غير لا تقولين اسمها لا لازم التفلسف

    ردحذف
  18. AM.SA.CHANNEL

    اذا سرت لها بسوي ابديت للبوست :)

    شاكرتلج المتابعه فديتج

    ردحذف
  19. mazyona

    اي انا بعد نفس الموقف يصيرلي

    بس مرة ضحكت على وحده تليقفت وسلمت علي

    عبالي تعرفني وانا موذاكره وشافتني طاقتني البوهه وسالتني انتي مو فلانه .. قلت لا لوووووول

    طلعت مشبه علي ههههههه

    افتشلت مسكينه :)

    ردحذف
  20. Engineer A

    هههههه قاعده ابحث عن حل عن الفشله اللي ناطرتني :)

    ردحذف
  21. Made n Q8

    تهقين مو ضروري الاسم ؟؟

    مالي الا هالحل عشان اكسب اجر :)

    ردحذف
  22. ضحكتيني كريزيزي الحال من بعضه

    ردحذف
  23. حصه ام قصه

    هلا والله منورة .... اي كلنا بالهوا سوا

    شكرا على الطله

    ردحذف
  24. اشوه تذكرتي ..

    مدام كيفك يعني تعرف تسوي فطاير خخ كدشيها ..

    وزال البحث جاري عن فطايس لج :)

    ردحذف
  25. كريزي عيل صرتي مثل أم سلوم هههههههه


    بس مو منج هذا من بنج وكمام الولاده

    كلنا بالهوا سوا لووووول

    زين الحمدلله الله رزقج برفيجته وأنقذتج بالإسم :)

    ردحذف
  26. صج عجبني واااايد عنوان البوست ؛)

    ردحذف
  27. اصحى يا نايم ووحد الدايم ..

    (حملة الجسد الواحد)

    أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

    لمزيد من المعلومات

    http://dndanh111.blogspot.com/2010/06/blog-post_14.html

    جعله الله في ميزان حسناتكم .. آمين

    ردحذف
  28. لووووووول

    حسافه ييت متأخر ولا جان ساعدتج

    امي ماكو مثلها بنسيان الأسماء بس ولا مره توهقت ههههههههه

    وساعات اقولها شسمها؟! تقول مادري ما احتاج اسمها

    مدبره امورها هههههههههههه

    بس الحمدلله عدت سالفتج على خير :)

    ردحذف
  29. زين الحمدلله ان الزيارة تمت على خير وانج تذكرتي الاسم :)

    ردحذف
  30. رورو

    اي الحمدلله الله رزقني بصاحبتها

    سمعت عن وحده تيي البيت تسوي فطايس كميه للتخزين بس خايفه اغامر وتطلع العيينه موشي :(

    مشكووره

    ردحذف
  31. لوير

    هلا فيج .. اي والله يبتيها ام سلوم

    لا والله من الحوسه اللي كل يوم انا فيها

    مشكوورة

    ردحذف
  32. ام الخلود

    جزاج الله خير ومشكوورة

    ردحذف
  33. جايونه

    اي وينج كانت حدها وهقه

    كل الامهات مايذكرون الاسماء لوووول

    مشكوورة

    ردحذف
  34. Engineer A

    الحمدلله عدت على خير

    مشكوورة حبيبتي

    ردحذف
  35. هههههههه الله يعين

    والله مرات ودي انادي بينه بس انسى شنو اسمها وهقه صج

    ردحذف
  36. Unique Girl

    اي صح حدها وهقه

    مشكوره

    ردحذف