الاثنين، ١٤ يونيو ٢٠١٠

Camel Milk Chocolate

بنت خالتي بآخر زواره وزعت علينا هالكاكاو كانت توه راجعه من دبي وشاريته من مطار دبي وتقول ذوقوا والله حلو
وسألتنه عقب ماكلينا شرايكم بالطعم!!
قلنا والله لذيذ
قالت عاد تدرون شنو داخل قلنا إي حليب قالت هذا موحليب عادي هذا حليب بعارين
طبعا الكل صاح شنووووووووووووووووو
وإلي ما ذاقه قال أشوه ماكليت

**وتذكرت الأخت AM.SA.CHANNEL**

كانت قبل فتره كاتبه بوست عن حليب البعارين ينباع عندهم بالجمعيات

وفي بنكهات مثل الفرواوله والكاكاو للأطفال

ماقصرتي يابنت خالتي العزيزه

وزين سويتي ماقلتي إلا عقب ماكليت لأنج لوقايله قبل جان ماأعتقد ذقته

وتعيشين وتذوقينه أشياء غريبه

مع تحياتي:

q8-lawyer

هناك ٣٠ تعليقًا:

  1. عاد من شفت بوست شانيل وانا ناويه اجربه خصوصا انه مفيد..

    وبالعافيه يارب ..

    ردحذف
  2. ههههههههههههههههه نفس الحركة اللي سويتها في أميه عقب ما كلته قلتلها .. !!

    بس زين سوت فيكم خخخخخخ


    بس حلو صح، ما تقوولين مستخدمين حليب بعارين على قولتكم لول .. !!

    ردحذف
  3. مو عملي ...لازم "اتيدد" اتوضأ بعد ما اكله :)

    ردحذف
  4. هلا رورو :)

    جربيه حلو

    وتصدقين حتى طعمه عادي موغريب

    ردحذف
  5. هلا شانيل:)


    لو بنت خالتي قايله من الأول إنه حليب بعارين مستحيل أكله بس غشتنا ههههههه وعقب استوعبت وتذكرتج لما كتبتي عنه في بلوقج

    صاجه طعمه حلو كلش ماحسيت طعمه غريب

    ردحذف
  6. هلا سامي:)

    امبيييه


    (( ماله موقع بالإعراب أدري
    بس هذي امبيييه انتقام لوووول))

    عقب الصلاة ذوق وحده وحزة الفرض الثاني تيدد تكسب أجر الوضوء ؛p

    ردحذف
  7. حلو بالطريقة هذي تستفدين من حليب بدون ما تفكرين بالطعم

    ردحذف
  8. لوول يعني فرقت عن حليب البقر؟
    كلهم حيوانات تكرمين
    عليكم بالعافية

    ردحذف
  9. اممم شكله حلوووووو

    اي ماشفت بوست شانيل الا بعد مارجعت من دبي والا شريته

    يطول الشعر ؟؟؟؟؟

    شكرا حبيبتي وعليكم بالف عافيه

    ردحذف
  10. هلا مزيونه:)

    جدا عادي طعمه مافي غرابه

    وأكيد في فايده

    ردحذف
  11. هلا Hopeless Sight :)

    الله يعافيج

    إي تفرق وااااايد


    حليب ولحم البقر
    غير عن حليب ولحم الجمل !!

    ردحذف
  12. أهلين كريزي :)


    الله يعافيج حبيبتي
    مو بس هالفايده فوايده واايد

    إن شاءالله إذا حصل ورحت دبي أشتريلج وأخشه لما تردين من ألمانيا

    أفا عليج تستاهلين جم كريزي عندي؛p

    ردحذف
  13. هلا شايونه :)

    الله يعافيج

    حتى انا ماكنت أفكر أجربه بتاتا

    بس إن شالله يصير معاج مثل ماصار معاي غشوني كليته وانا ماأدري خخخخخخخخخخ

    ردحذف
  14. شكله حلو
    بس اكره حليب البعارين

    بالعافيه

    ردحذف
  15. عادي بنجرب وش بنخسر مادام طعمه عادي مو غريب ..

    الله يعطيك العافيه غلاتي .

    ردحذف
  16. ايباااااااه ككاو بحليب نياق واله يبيله

    على فكرة حليب النياق فويده وايد وطعمه حلو بس على حسب الناقه اذا من عيال بطنها أو مزدوجه :-P

    بس طعم الككاو أعتقد ماراح يتغير مادامكم ذقتوه وعجبكم

    فالمشكلة اهني في نفسياتكم لو انا مكان راعية الككاو جان خليتكم تدقون دق وبعدين بعد اسبوع اقولكم

    ردحذف
  17. هلا المباركه:)

    الله يعافيك

    حتى انا ماأحب حليب البعارين

    بس ماله طعم ضايع بالكاكاو

    ردحذف
  18. هلا رندا :)

    جربيه وقوليلي شرايج فيه

    ردحذف
  19. هلا أبو فلان :)

    حياك الله بالبلوق أسعدتني مشاركتك

    ههههه هذا الحليب صار من مزدوجه
    لأنه دخل معاه الكاكاو ؛p

    صاج لو بنت خالتي ماقات إنه حليب بعارين جان أتوقع كليت زياده

    بس الحمدلله إكتفيت بوحده
    جربه راح يعجبك

    ردحذف
  20. اللـــــــــــه احب اجرب عجبني شكله :)

    ردحذف
  21. يبيله والله انا قاري عنه من زمان

    بس الاخت شانيل خلتني اشتاق اجربه

    واللحين انتي لا شكله بحجز دبي اشتريه و ايي

    عاد شنو رايج فيه ؟؟

    تصدقين في باللي فكره مجنونه اجرب اسبرسو بحليب نياق

    ودي اجرب شلون بيصير

    ردحذف
  22. أهلين جيزكيك :)

    عيل جربيه وقوليلي شرايج؛p

    ردحذف
  23. أهلين فيلسوف :)

    برايي طعمه حلو وماحسيت بشي غريب
    لأنه انا ما أشرب حليب بعارين وما أحبه

    يلا روح دبي على طيران الجزيره أو الوطنيه

    روح الصبح ورد بليل

    واشتريه وذوقه وقولنا رايك


    والله خوش فكره يصير ليش لأ
    عاد بتصير رغوة الإسبرسو من فوق مصوفره ؛p

    ردحذف
  24. امبيييييه لوير فشلتينا يا مرت عمي العزيز اسمه حليب نياق مو بعاريين


    (جنه محد يدريي)

    ردحذف
  25. عليج بالعافيه لوير
    بس كان ودي اصوركم بعد ماقلتلكم الخبر p;


    للي ماجربه ..طعمه لذيذ وابدا مافي فرق ..وشكله راااقي يصلح هديه ^_^

    ردحذف
  26. أهلين حصه أم قصه :)


    وين هالغيبه عن البلوق!!!!

    امبييييييييييييييييه

    المفروض مره ثانيه بهذي السوالف أخلي عمج

    يدقق على الكلام قبل لا أنشره

    عاد فشله مو تعلمين أحد ههههههههه

    ردحذف
  27. أهلين بمهندستنا :)

    ياهلا وغلا في بنت خالتي المصون

    إلي ذوقتنا كاكا بحليب بعارين

    ماتخيلت بحياتي أذوق مثل هالشغله

    هههههههههههههههه تخيلي مصورتنا

    صج شكلنا يضحك واحنا مبققين العيون

    ردحذف
  28. مساء الخير

    أنا شريته وما عرفة ما أقول لهم و النتيجه إن إلي رضوا يذوقونه ما يتعدون عدد أصابع الإيد الوحده :\

    مع إن لذيذ ومفيد

    راح عليهم

    تحياتي

    ردحذف
  29. أهلين الجودي :)

    مسااا الخيرات

    بالعافيه عليكم صاجه لذيذ

    حسافه جان ضبطتي الدور نفس بنت خالتي
    وسكتي لما ياكلون عقب قوليلهم
    وخل ينصدمون لوووووووووول

    ردحذف