الأربعاء، ٣٠ يونيو ٢٠١٠

iPhone 4

بعد مانزل الايفون ٤ رسمي اغلب المستخدمين قالو عن مشكله السيرفر وبما ان نزل رسمي بألمانيا .. قلت اروح اتأكد ... طبعا ماسألت الموظف بس جربته بنفسي .. يمكن مو كل الاجهزة فيها هذي المشكله بس اتوقع اغلب الاجهزة اللي نرلت اول دفعه... يعني حظك نصيبك
بعدها وخرت اصابعي عن الفتحات اللي على اليمين واليسار ورجع السيرفس
وعندي استفسار .... انا عندي الثري جي اس ولما سويت الابديت اليديد صارت عندي مشكله ينقطع الوايرلس لما انزل برنامج من الابل ستور ... ويتوقف التحميل ويظل يوم على هالحاله ... في احد نفس حالتي ؟؟؟ وهذي صوره
- Posted using BlogPress from my iPhone

هناك ١١ تعليقًا:

  1. بالنسبة حق مشاكل الايفون فور
    في اكثر من موقع ومدونة يقولون هالمشاكل مبالغ فيها
    والجهاز استعماله جدا ممتاز
    ومافيه الا العافية

    واحنا ضعنا بالطوشة ما ندري نصدق منو


    اما بالنسبة للمشكلة اللي عندج ما صارت معاي الحقيقة
    مع اني مسوي الابديت..!

    انا عندي استفسار بس مستحي والله
    مادري احس لقافة وبلاغة شف زيادة عن اللزوم :$

    ابي شنو وضعج بألمانيا؟ تدرسين ولا شنو بالضبط؟

    لووووول ادري لقافة بس ذبحني الفضول :$

    ردحذف
  2. le Koweit (حقوقي سابقاً)

    من ناحيه الجهاز احسه واايد قوي والكاميرا جربتها روووعه وواضحه

    والمشكله انا اتوقع بعض الاجهزة مو الكل .. والظاهر اللي معروض من ضمن الاجهزة اللي فيها هالخلل هههههههه

    وانا كنت بوصي عليه من U.K بس قلت انطر شوي جم دفعه تنزل وبعدها اتوكل على الله

    انزين ماعندك حل لمشكله تنزيل البرامج اللي عندي ؟؟

    واجابه استفسارك موجوده في البوستات القديمه للمدونه :)

    بس بوفر عليك الوقت في البحث عنها .. زوجي مبعوث في المانيا وانا وولدي وبنتي مرافقين له :)

    شاكرتلك المرور :)

    ردحذف
  3. مشكورة على الاجابة
    خفت تدقريني :$
    لوووول

    بالنسبة حق مشكلتج والله مادري مابي افتي عشان لا اوهقج
    بس في خوش منتدى يعرفون حق الايفون
    سجلي فيه واكتبي مشكلتج بقسم المشاكل وانشالله يساعدونج
    هذا المنتدى http://i3rab.com

    ردحذف
  4. لا شدعوه ماتوصل للدقرة

    شكرا على الموقع بحاول اسجل فيه .. لان في منتدى ثاني سجلت فيه ومافي تفاعل نهائي مع ان المنتدى مشهور بالدروس والبرامج ... حتى دخلت قروبهم في بارلنقو ولا في اجابه

    ان شالله هذا في احد يقدر يفيدني

    مشكور

    ردحذف
  5. ههههههه الله يقطع ابليسج " زوجي مبعوث " عبالي صار تبي هههههه

    يعني مبتعث :-)

    المهم الله يردكم بالسلامه بس عندي سؤال لو سمحتي :
    الآيفون بألمانيا مفتوح ولا مقفول ؟

    شكرا لج

    ردحذف
  6. ابوفلان

    عادي طوف لاتدقق هههههه بس احسها موراكبه مبتعث :)

    الله يسلمك يارب والايفون بالمانيا للاسف مقفول :(

    شكرا على المرور

    ردحذف
  7. والله يا اختي نفس ماقلتي انا بعد سمعت نفس هالحجي

    انا الحين في امريكا وان شالله اليوم رايحه وبجوف راح اعطيح خبر

    ردحذف
  8. Q8-Borgy

    تاكدي احسن اذا ناويه تاخذينه

    والله يردكم بالسلامه

    حياج الله وشرفني مرورج :)

    ردحذف
  9. اختي انا رحت سألت اول مادخلت جربته ماحسيته وايد يختلف عن 3gs كشكل اجوف الي قبله احلى

    المهم انا مسكته من نفس المكان الي قلتوا عنه مانزل السيرفس

    انا والله ودي اخذلي واحد بس خايفه مايشتغل بالديره بس قالولي ادفع بالكويت 15 ويسونه لي لأن لوك

    ردحذف
  10. Q8-Borgy

    هلا والله انا يمكن اللي شفته اول دفعه وموكلها اتوقع البعض
    امم انا اقدر اخذه من هني واسويله جلبريك بدون ماادفع بس ماابي التزم بعقد سنتين .. طريقه فتح القفل سهله اذا تبين اعلمج :)

    ردحذف
  11. قوه اختي انا حجزت تلفون وامس والله وصلني توكلت على الله وقلت خل ادفع وان شالله رب العالمين ايبارك لي فيه

    قيمة التلفون 634 دولار

    انا مادفعة من كرت امريكا دفعته من كرت لكويتي يساوي كويتي 180 دينار تقريبا

    بس تعرفين شنو الي حرني بيت التمويل لكويتي شنو حراميه والله ياويلهم من الله تدرين جم خذوا علي ؟؟؟

    خذوا 10 دنانير تعرفين شنو متحسفه قهروني والله

    انزين اختي اتوكلي على الله وشتريلج واحد تقدرين تطلبينه من غير الخط الي فارضينه بس تدفعين اكثر هاذه عادي

    والله ياريت لو تعلميني على فتح القفل يزاج الله الف خير (:

    انا ان شالله راح انزل بوست على تلفوني بس اول ما اوصل لكويتي علشان افتحه بالكامل

    ردحذف