الأربعاء، 14 يوليو، 2010

طاعه وأناقه

هذا مشروع وحده من رفيجاتي
بصراحه عجبتني شلون فكرت تبدي بمشروعه
الله يوفقه يااااااارب
وتحت الخط هذا إيميله دزت لي مع الصور
---------------------------------
كنت دائماً اتسائل عن مدى تناقض غريب فى حياتنا وبالاخص فى صلاتنا واليكم بعضها: ليش ملابسنا متكدسه بالكبتات الى يالله تصكر عليهم؟ وماعندنا الا ثوب صلاة 1 او 2 اذا انغسل الاول لبسنا الثانى؟ ليش عندنا دراعه للعيد ودراعه لرمضان وبدلة استقبال واسواريه بينما عندنا ثوب صلاة حق كل المناسبات ولا بعد خامته قطن عاديه ململ ومنقطه جنه دراعة العجوز؟ ليش اذا بنقابل شخصية كبيره او عاديه اووكيل وزاره او شيخ نكشخ ونعدل الهندام ونلبس احلى ما عندنا لا ويمكن نطر من خواتنا او صديقاتنا بدله تليق بهالمقام السامي ونتعطر بالغالي لكن لما نقابل ملك الملوك العلي الكبير نلبس العادي وانتخمبق؟ بعد هالاسئلة فكرت اني اغير فكرت الحريم عن ثوب الصلاة وادخل عليه بعض اللمسات الحلوة والبسيطة والعملية واستخدم الخامات الراقية والغالية مثل الحرير والله ساعدني وبديت بنفسي وخواتي واعجبت الفكرة رفيجاتي اللي ما قصرو وساندوني وخواتي وبلشت بعد مباركة الله ثم الجميع ابمشروعي اليكم بعض الصور والاسعار معقوله الساده ب7 والمشير ب11 ومعاه كيس واذا تحبين سجادة وغطا مصحف ينفع هديه لوالدتج او خالتج حق رمضان اوهدية عروس اوحج وفي الحرير السبشل ما قدرت اصوره ب14 وشوفو الصور
طاعه وأناقه
للطلب تليفون
94001108
مع تحياتي:
q8-lawyer

هناك 31 تعليقًا:

  1. الله يوفقها يارب..

    بس انا احب التقليدي لانه صلاة مايبيلها تفنتق يبلها شي مريح ونظيف :)

    مشكوره..

    ردحذف
  2. و الله وايد زيــــن .. وأسعارها ممتازه ماشاء الله ..

    إنزين ما عندها إيميل لو بغينا نتواصل وياها و أعرف شو اليديد عندها ؟؟

    شكـــرا

    ردحذف
  3. الله يعطيها العافية و يوفقها ..

    لكن انا اشوف انه هالشي ماله داعي .. اهم شي في ثوب الصلاة انه يكون واسع و نظيف بدون مبالغة ..

    اللبس و الفناتق مو مهمة بالعبادة و الدليل ان لبس الاحرام في الحج و العمرة مافي ابسط منه لجعل الناس سواسية ..

    ردحذف
  4. السلام صحيح كلامج بالنسبة للحج ولكن في احاديث ان الرسول عليه افضل الصلاة والتسليم كان يلبس احسن الثياب للصلاة وانصعها بيضا عشان فيها راح يقابل رب العباد اشلون ودج تقابلين رب العبادوطبعا هذا الكلام ماينطبق على المرأة اللي تزيين لما تروح المسجد لان هذا حكمه اخر ومايجوز للمرأه انها تطلع بزينتهابعكس الرجل ولكن في البيت احس انه من التأدب انه الوحده تتعطر وتلبس الُوب حلو وساتر
    راح اضرب لج مثال ومع الفارق ولله المثل الاعلى :/
    وحده زوجها ولي نعمتها يعطيها افلوس عشان تلبس اغلى الملابس واكشخها وتروح الصالون وتحط ميكب وتسريحه حق استقبال او عرس واهو اللي يقطها الى باب البيت المعزومه عندهم ولما ترد سيده تمسح الميكب وتتسبح وتخرب التسريحه وتلبس بجامة بيت عادية تلووع الجبد عندها من عرسها قبل 7سنوات ويمكن دراعة خدامتها احلى منها وتجابل زوجها بهالطله العاديه البسيطه على قولتج شنو يكون موقف زوجها برايكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    هل هذا اللي يستحق منها البسيط احنا ما قلنا انه يكون الثوب في قصات وكشاكش لكن نوعية الخامه والكلفه ( البسيطه)
    \
    وعالبساطه البساطه

    ردحذف
  5. ** مساء الخير :

    - مشالله شغلها حلو الله يباركلها فيه

    ردحذف
  6. حلو كثير الله يعطيها العافيه ويوفقها..

    بس بالعادي احلى وفيه راحه لاكشكه وموديلات اهم شي النظافه والخشوع في الصلاه..

    تمنياتي لكي بالتوفيق والسعاده

    ردحذف
  7. الله يوفقها ان شاء الله

    ردحذف
  8. أزال المؤلف هذا التعليق.

    ردحذف
  9. ما شاء الله وايد حلو ... بالتوفيق ان شالله :)

    ردحذف
  10. غير معروف، أنا أشوف إنه الواحد لازم يترتب في الصلاة و لو فكرنا بهالتفكير، ما بنقدر نخشع، إنته لو تلاحظ يوم تتسبح و تتعطر و تصلي صلاتك غير عن يوم توك ناش من الرقاد و متمسح و تصلي ..

    و أنا ما أشووف انه مبالغه في اللبس بسيط و حلو و سعره فيه ..

    و إذا تمينا نقيس بهالشي لربك البساطه و للخلق الثمين و الغالي، عزات ما مشت أمورنا خلنا نسوي شوي توازن و تغييير .. يمدحون التغييير ..

    ردحذف
  11. ماشاءالله
    الله يوفقها ان شاالله

    ردحذف
  12. والله شي حـلو ..
    حبيبتي ممكن تسأل ارفيجتج فيه توصيلات للأمارات ؟

    ردحذف
  13. والله فكره جديده غير مسبوقه وحلوه

    ردحذف
  14. ماشالله الله يوفقها تستاهل :)

    ردحذف
  15. هلا رورو :)

    صاجه وايد يحبون التقليدي

    بس هم هالنوعيه واااايد حلوه

    ردحذف
  16. هلا شانيل :)

    إي واااايد حلوين وأسعارهم مناسبه

    دزيلها مسج على رقمه بس ضيفي قبله 00965

    وإهي راح تبلغج إذا عنده إيميل

    وباي طريقه تتواصلين معاها

    ردحذف
  17. هلا غير معرف :)

    حياج الله

    وقناعات الناس تختلف من شخص لآخر

    ردحذف
  18. هلا غير معرف :)

    انا معاج نفس وجة نظرج

    وحلوه علبساطه البساطه لووول

    ردحذف
  19. هلا ميمة السبيت :)

    حياج الله بالمدونه

    أسعدتني مشاركتج

    ردحذف
  20. هلا رندا الجنوبيه :)

    صاجه أهم شي الخشوع بالصلاة

    والله يتقبل صلاتنا أجمعين يااااااارب

    ردحذف
  21. هلا Made n Q8 :)

    إي والله عسى الله يوفقه

    ردحذف
  22. هلا Girls and Kuwait City :)

    حياج الله بالمدونه أسعدتني مشاركتج

    وأتمنى لمدونتج النجاح ياااارب

    ردحذف
  23. هلا بشانيل مره ثانيه؛)

    انا معاج 100%

    بشري عنج شلون صحتج إلحين

    إن شالله أحسن!!!!

    ردحذف
  24. هلا Hopeless sight :)

    ماقصرتي مشكوره

    ردحذف
  25. هلا مرام :)

    حياج الله بالمدونه

    أسعدتني مشاركتج

    ردحذف
  26. هلا كرمووله :)

    دزيلها مسج على نفس الرقم

    بس ضيفي قبله 00965

    وإهيه راح تقولج طريقة التوصيل

    ردحذف
  27. هلا مبدعه :)

    حياج الله بالمدونه

    أسعدتني مشاركتج

    ردحذف
  28. هلا كريزي :)

    اللهم آآميين

    ردحذف
  29. هلا بوك مارك :)

    حياج الله بالمدونه

    أسعدتني مشاركتج

    ردحذف