الأحد، 31 أكتوبر، 2010

أسبوع الوداع

هالأسبوع راحت كريزي الحبيبه وتركت مكانه واااااااااااضح
منو إلحين لبغيت أطلع فجأه وبدون تخطيط أدق عليها
ومتأكده إنه بتقولي يلا مريني ولا أوكي نتلاقى هناك
ماكو غيره كريزي انا مسميته الزوجه العزوبيه
من تزوجت واهيه بالكويت شبه عزوبيه
يعني انا الرابح الأكبر من غربة ريله
وهم عقب سفرة كريزي بيومين
خدامتي آسفه قصدي معزبتنا
جانيت سافرت بفقده واايد مع إنه مااااايقه
وشااااااااااايخه علينا بس ماعليه يحقله
فيها ميزه تخلينا نغض النظر عن عيوبه واهيه أماااانته
وإنه ماتمد إيده على عيالي لو إنهم طقوها
((انا عيالي اسمله عليهم والله يصلحهم كتاكيت
بس مرات وااااااااايد يصيرون نمور ))
عاد انا أقول لكريزي شدعوه عليج يعني جانيت أحسن منج حاجزيله تذكره روحه ورده
3 شهور وإنتي ياحافظ قعدتج بس شهرين كلمي كفيلج بألمانيا-كفيله يعني زوجه-
وقوليله بكمل ال3 شهور حالي من حال جانيت شردت علي كريزي وقالت:
انا كلم كفيل مال انا يقول انا بجا(بيبي) في سكول
انتي مايبي يجي إلحين طرشي تذكره
وقعدي هههههههههههههههههههههه
فصلنا آخر إسبوعين على هالسالفه :))
يلا ماعليه هذي الدنيا
تروحين وترجعين بالسلامه ياااارب
وإنتي ماشاءالله عليج متحمله الغربه
وصابره على كراف ومسئولية الغربه
عشان ريلج صج لقالوا وراء كل رجل عظيم امرأه
وطبعا وبلا شك هالإمرأه
كريزي
:))
وبالنسبه لجانيت ياويلج اذاوهقتيني ومارجعتي
يااااخوفي من سوالفكم إي مدام شووووووووور
انا راح يرجع انا مابي أرجع ماياخذ تذكره
إي صاااجه صدقتي بنات عمج ماياخذون التذاكر
ويعشمون معازيبهم وآخر شي هذا وجه الضيف
ماعليه إن رجعتي خير وبركه
وإن مارجعتي الحمدلله عندي ثانيه تسد المكان
أما كريزي ياليت ترجعين شهر 4 أحلى شي
الجو حلو بالكويت والطلعات تحلو
ياااااااااشين هالأسبوع
مع تحياتي:
q8-lawyer

هناك 4 تعليقات:

  1. وايد متعاطفه معاج :)

    لأن انا بعد معزبتي هدتني فجأة وسافرت بدون مقدمات لظروف قاهرة وطارئة على وعد منها بالرجعه بعد شهر من الآن .. وحاسه انها بتعطيني طاف وبتوهقني :( الله يستر


    ويرجع لنا معزباتنا بالسلامة :)

    والله يديم المحبة بينكم انتي وكريزي وعسى ربي لا يفرقكم :)

    ردحذف
  2. الله يردلكم مدام جانيت بالسلامه..
    وتقر عيووونكم بشوفتها

    ويديم المحبه بينكم انتي وكريزي

    ردحذف
  3. Engineer A

    بعدعمري ماقصرتي يارب يدوم المحبه بين الجميع

    وعسى الله يرجع معازيبنه ياااارب
    ياختج انا حاسه بقيمته من قبل واهيه عندي شلون لما راحت :(

    ردحذف
  4. Eng.Elegance

    حياج الله بالمدونه

    أسعدتني مشاركتج :))

    ماقصرتي بعدعمري

    ردحذف