Big Brother

هذا البرنامج مجاني من الأبل ستور لآيفون 4 تفتحونه وتحطون الرقم السري وبعدين سكروا الجهاز وأي واحد يحط الرقم السري غلط أو صح يصوره بالكاميره الأماميه ويحددلكم الموقع بعد ويدزلكم الصوره على الإيميل وبعد تقدرون تضبطون صفارة إنذار تشتغل إذا أحد حط الرقم السري غلط انا نفعني هالبرنامج مع ولدي طبعا حده منصدم وعيونه نطت من الخرعه لما شاف صورته ؛) بصراحه يخرع هالبرنامج ماأقدر أقول إلا مثل ماقالوا العراقيين بالغزو>> هااااااااااااي شقد تكنلوجيا


- Posted using BlogPress from my iPhone

عيدكم مبارك وكل عام وإنتوا بخير

- Posted using BlogPress from my iPhone

Maki

ياسلام عالجو اليوم حده بديع رحنا انا واختي تعشينا بماكي ماريناويفز

قعدنا بره المنظر عجيب والأكل لذييييذ

تصدقون انا وريلي ذوقنه واحد بالأكل ولله الحمد إلا بماكي انا حبيته وايد واهوه كلش ماحبه

راحله مره وقال توبه آخر مره وقالي:

عفيه عليج شلون تاكلين هالأكل حسسني جني صج يابانيه وآكل زفر

عاد حتى انا مااااأحب الأكل الياباني بس هذا غير أحسه في نكهه كويتيه

شوفوا آخر صوره هذي الكويت صلوا عالنبي

:))

- Posted using BlogPress from my iPhone

ياحلو جوالكويت موخريف جيرمني

اليوم عند ولدي الصغير إجتماع بالحضانه عقب الإجتماع خذيناه انا وأبوه ورحنا تريقنا بمارينا كرسنت عاد الله يستر لايدري ولدي الكبير بسويلنه سالفه بس احنا طبعا مراح نقول بس خوفنه من هالنتفه لايفتن الجو تبارك الرحمن عساه دوووم جذي


- Posted using BlogPress from my iPhone

خريف جيرمني

احب هالوقت من السنه بالمانيا برااد والجو غيم واللون الاصفر وتساقط الاوراق رووعه احساس حلو.... صج اذا قالو شهر اكتوبر احلى جو لجميع الدول العربيه والاوروبيه ... طبعا انا اوافقهم الراي


سؤال ليش بالدول الاجنبيه عادي يقعدون ١٣ عايله نفس الطاوله لوووول .. رحت ستاربكس مالقيت مكان الا طاوله فيها شايب يقرا كتاب وبنت شابكه بلابتوبها وبنتي ازعجتهم :(


- Posted using BlogPress from my iPhone