الخميس، 11 نوفمبر، 2010

Maki

ياسلام عالجو اليوم حده بديع رحنا انا واختي تعشينا بماكي ماريناويفز
قعدنا بره المنظر عجيب والأكل لذييييذ
تصدقون انا وريلي ذوقنه واحد بالأكل ولله الحمد إلا بماكي انا حبيته وايد واهوه كلش ماحبه
راحله مره وقال توبه آخر مره وقالي:
عفيه عليج شلون تاكلين هالأكل حسسني جني صج يابانيه وآكل زفر

عاد حتى انا مااااأحب الأكل الياباني بس هذا غير أحسه في نكهه كويتيه
شوفوا آخر صوره هذي الكويت صلوا عالنبي
:))

- Posted using BlogPress from my iPhone

هناك 21 تعليقًا:

  1. عاد انا احب الاكل الياباني
    والله يبيله هالويك اند :)

    ردحذف
  2. هلا ل كويت :))

    يبيله وأحلى قعده بهالجو
    لماكي مارينا ويفز

    ردحذف
  3. هلا سامي :))

    تصدق جربت وسابي مره

    ماحبيته ويمكن ماعرفت أطلب !!

    ردحذف
  4. عليج بالعافيه

    امدحووه وااايد وانا ميته حره ابي اذوووقه

    ردحذف
  5. هلا يونيك قيرل :))

    لازم تذوقينه لذيييييييذ

    انا عقب حنه ومدح ذقته قبل سنتين وصار من وقته إدماااان

    ردحذف
  6. هلا رورو :))

    الله يعافيج

    ردحذف
  7. الجو هالأيام مايتطوف

    عليكم بالعافيه

    ردحذف
  8. هلا أبوفلان :))

    الله يعافيك

    إي والله صاج الجو ماشاءالله مايتطوف

    ردحذف
  9. الأكل الياباني كلش مو شي =×
    -
    بس المهم عجبج ، عليج بالعافيه ^^

    ردحذف
  10. علييكم بالعافية

    مااحب الاكل الياباني يعور بطني :s

    ردحذف
  11. عليج بالعافية
    كليت فيه مرة بس عيش مع ثوم وتوبه أعيدها خخ
    ما أحب الأكل البحري ولا أكل الآسيويين :S

    ردحذف
  12. اللهم صلي على محمد

    أنا ما أحب الأكل الياباني بس إذا فيه نكهة كويتية شكله حلو ههههههه ..

    بالعااااااااافيه عليكم ..

    ردحذف
  13. بالعافيه على قلوووبكم ..
    يوم الخميس كنا هناك عازمنااخوي واقترحنا عليه المطعم والمكان والنتيجه ..قال موزود بس عليكم بالعافيه ^_^
    الظاهر مو الكل يتقبلووونه

    ردحذف
  14. صفحات ملطخه بحروفي :))

    الله يعافيج

    وحياج الله بالمدونه أسعدتني مشاركتج

    ردحذف
  15. هلا Made n Q8 :))

    الله يعافيج

    مثل ريلي كلش ماحبه

    ردحذف
  16. هلا حنان :))


    عيش وثوم !!
    ماعرفتي تطلبين مره ثانيه إذا رحتي سأليني
    وأعلمج شتطلبين وراح تحبينه

    ردحذف
  17. هلا شانيل :))

    إن شاءالله تزورين الكويت

    وتجربين ماكي

    ردحذف
  18. هلاEng. Elegance :))

    عليكم بالعافيه

    أخوج ضمي مع فريق ريلي ؛) 

    ردحذف
  19. الجو هالايام روووعة للطلعات
    بس مو ماكي :: ما احبه
    عليكم بالعافية

    ردحذف