هذاك اليوم كنا متيمعين انا ورهوش وأم مشمش ونونه المزيونه
في بيت الغاليه بسمه
وهذي سفرتنا كل وحده يايبه معاها طبق
ماشاءالله كانت سفره عامره بكل ما لذه و طاب
بس ناقصتنا كريزي حبيبتي
وهذا كرسيها فاضي محد قاعدعليه:(
بعدعمري صج ولهنا عليها
طبعا دقينا عليها وكلمناها وحده وحدهومسكينه أم مشمش أول ماسمعت صوت كريزي بجت
تقول صج ولهااااااانه عليها
هالمره طولت بروحتها
ودقينه من تلفون بيت بسمه
وهذي صورت التلفون
خسرناها مكالمات
امبيييييييييييييييه
وبعد الوليمه العامره بكل ما لذه وطاب
صار وقت الحلو
مع شاي وقهوه ونعناع
طبعا بكل يمعاتنا الحلو إختصاص كريزي
بس إلحين انا وكيلتها بالكويت
ويبت الحلو بدالها
ههههههههههههههه
الكيكه هذي إسمها فكتوريا أحبه وااااايد
من شاتو دي قاتو
محلهم بالروضه
ميزتها خفيفه ولذيييييييييذه
وماشاءالله كبييييره
وعادي تحطينه بالثلاجه لي ثاني يوم
مايتغير طعمها
بس حصلت زفه من أم مشمش
تقول أحد يشتري هالنوع من الكيك
لييييييييييييييييييييييييييييييييييييييش
ماسويتيها بالبيت طريقتها وااايد سهله
قلتله إنتي ربة بيت سنعه أكثر مني
وماشاءالله طباخه
انا حبيت هالكيكه وشاريته كذا مره من قبل
وعاااادي هم بشتريها عقب هالزفه بصراااحه
طعمها لذيييييييييييذ
وسكرنا الموضوع وقعدنا نسولف بأيام الجامعه
ياحلوهاااااا من أيام
وعقب لفيت على أم مشمش
إلاإهيه ماكله قطعة الكيكه إلي قصيتلها كلها
وكانت قطعه كبييييره ماشاءالله
ضحكت وقلتله شفتي شلون إنها لذيذه ماخليتي شي
قالت هم موعذر إنج ماتسوينه بالبيت
خخخخخخخخخخخخخخخخخخخخخخخخخخخ
يعني لامفر من الزفه
تمونين ياأم مشمش
وجان زين أصير سنعه وطباخه مثلج
مع تحياتي
q8-lawyer
عليييييكم بالف عافيه حبيبتي و صج واااايد يمدحون هالكيكه بس كلش ما اتشجع اشتريها ما ادري ليش @@ يمكن نفس صديقتج ام مشمش احسهااا وايد سهلاااا:)
ردحذفانا اللي كاتبه التعليق بس تدرين توني يديده على ما اتعلم ,, ما ادري ليش حطيت غير معرف :)
ردحذفعليكم بالعافية وعسى بيت(ن) دايم
ردحذف:)
صاجة فيكتوريتهم لذيذة وهم بيتي فورهم نــــاطع
وان شاءالله تكتمل فرحتكم وتقر عويناتكم بعودة كريزي بالسلامة
:)
فديييييتكم والله
ردحذفوعليكم بالف عافيه خووش عشى وخووش كيكه
وماقصرت بسمه وصج المكالمه عجيييييبه وحبيبتي ام مشمش خنقتني العبرة لما كلمتها :(
بس الله يهديها بنتي تسلطت وقتها وبطلت صفااارتها لوووووول
وزين سوت فيج ام مشمش ههههههههه
استانسي الحين وييبي الحلو لان اذا رجعت ان شالله تردين تييبين مقبلات لوووووول
وشاندل مشكورة على الدعون الحلوة والله يسمع منج :)
بالعافيه عليكم
ردحذفكيكه فكتوريا سويتها مره وتنتفت وياي :(
السلام..
ردحذفجمعة دايمه يارب..
وترد لكم كريزي بالسلامه ان شاءالله..
وبالعافيه..
ومشكوره..
أزال المؤلف هذا التعليق.
ردحذفعليكم بالعافيه
ردحذفتصدقين لو اشوف الكيكه ما افكر اشتريها شنو داخلها؟
احب اشتري كيكه ما اقدر اسوي نفسها بس هالكيكه شكلها سهله وصاجه رفيجتج :)
وان شاءالله ترد كريزي بالسلامه وتستانسون معاها :>
عليكم بالعافية .. شكل الكيكة عجيب :)
ردحذفماشاءالله تبارك الرحمن ان شاءالله سفرة دايمة وعامرة وعسى ربي لا يفرقكم ويردلكم ((كريزي))علشان تكمل اللمة الله يسعدكم ويفرحكم ياربي والله انكم ربات بيوت من السفرة باين ومن الحلو والحلو طبعا ما يجيب الا الحلو وكل شي من ايدكم حلو عيني عليكم بااااردة
ردحذفانشاءالله دوم مجتمعين
ردحذفعليكم بالعافية
انا بعد بغربة حاسه فيج
والجمعة تخفف الغربة
السلام عليكم اشلونكم شخباركم
ردحذفكريزي ويينج مافي جديد على الساحه الفنيه؟؟؟؟؟؟؟؟
مزيونه حبيبتي عسى يعنيج على الغربه ويعينا ان شالله
ردحذفرهش اعجبتني الساحه الفنيه وتوني نزلت بوست لعيوووونج:)
اسمحيلي لوير رديت على بعض التعليقات :)
أهلين F2
ردحذفالله يعافيج حبيبتي
هههههههه أكيد لأنج طباخه شاطره ماتشترينها تسوينها بنفسج:)
chandal/danchal
ردحذفآآآآميييين
مشكوره على الدعوه الحلوه :)
أهلين دودو
ردحذفالله يعافيج
الظاهر حتى انا لو أجرب أسويها بتنتف لما أقصها بالنص خخخخخخ
رورو الشخبوطه
ردحذفاللهم آآميين
الله يعافيج حبيبتي:)
شاي الضحى
ردحذفيعني تضمين صوتج مع صوت أم مشمش
هههههههههههههههههههههههههههههه
داخلها مثل المربى وشي مثل الكريمه
بس والله حده لذيذه
اللهم آآميين ترجع كريزي وأذوقها هالكيكه:)
حنان
ردحذفالله يعافيج إي والله الكيكه حده لذيذ
ضروري تجربينها :)
الزين
ردحذفحياج الله يالغاليه
اللهم آآميين
مشكوره على الكلام الحلو والحمدلله إنتي مجربه الكيكه وعاجبتج;)
مزيونه
ردحذفحياج الله:)
ويااارب تعدي غربتج على خير وترجعين لديرتج تستقرين مع أهلج وحبايج يااااااااارب
رهوش حبيبتي
ردحذفإهيه إلي مقترحه عنوان هالبوست:)
كريزي
ردحذفترديلنا بالسلامه يااااااارب
بإذن الله المره اليايه إنتي معانا
وإنسي سالفة الحلو مستحيل أخليج تيبينه إنتي إلحين تبارك الرحمن صايره طباحه وعندج حركااات بالأطباق الرئيسيه والمقبلات نبي نذوق طباخج!!
تمونين أم مشمش أتقبل منها كل شي
خخخخخخخخخخخخخخخخخخخخخخخخخخخخخخخ
أشوه بنتج بطلت صفارتها علشان نختصر المكالمه خسرنا بسمه مكالمات دوليه
لا حراام موصج بس أضحك
لوووووووووووووووووووووووووووووووول