بس الحمدلله كانت بس مجرد لحظة تصويري
وأغلب الوقت تكون بين ال50 وال54
الظهر وقت طلعة الدوامات حررررررررر
الله يكون بعونه على صيف الكويت
****************
سرحت وانا بالسياره تخيلت نفسي
بمنطقة زيرمات السويسريه
لابسه جاكيتي الخفيف
وقاعده بالمطعم الإيطالي
وتوني خالصه من غداي بيتزا وسلطه
وإلحين قاعده أشرب كافيه لاتيه
وآكل تيرامسيو
يبيله زيرمات الساحره
وصفاء جوها أوكسجين100%
لأنه مافيها تلوث
وممنوع دخول السيارات لأن البنزين يلوث الجو
تسفط سيارتك بباركن وتركب قطار يوصلك المنطقه
ويستخدمون داخل زيرمات سيارات صغيرونه على كهربه
بس مالنا إلا الكويت
ماكو سفره هالصيف
:(
مع تحياتي البارده:
q8-lawyer
أزال المؤلف هذا التعليق.
ردحذفبوست جدا معبر
ردحذفسمعت عن موجه الحر اللي عندكم
ماعليه جم يوم ويبرد الجو
اول كلمه بالعنوان عبالي راح تهاجرين
تصدفين قبل جم يوم صار عندنا موجه حر وكانت الدرجه ٣٠
ضاق خلقنا لوووول
أهلين كريزي الألمانيه:)
ردحذفوإنتي الصاجه بوست يعور القلب
إهىء إهىء إهىء
شنو جم يوم!!قصدج جم شهر
الله يكون بعونه برمضان
شعليييييج إنتي موهنيه
شنو يعني 30 الدرجه عادي
احنا الدبل تقريبا
ودي جان زين ياليت الله يسمع منج
أهاجر بالصيف وأرجع بالشتا بس عندي شروط للهجره؛P
اي والله صاجه حبيبتي
ردحذفالحر مو طبيعي والله لو لا الدوام جان قصيت تذكرتي وطرت بس الله يعينيا على ما يخلصون الدوامات ونحبج يا كويت لو مهما نقوووول عسى ما نسافر اسبوع نحن لج يا كويت :)
الله يعينه :(
ردحذفالحمدلله ان ما عندي دوام فما اطلع الصبح ولا الظهر
اذا طلعت مبجر الساعه 5 واموت من الحر
الله :)
ردحذفقريت بوستج وسرحت بمقاطعة زوغ السويسرية :) منطقة هادية وحلوة وترد الروح ..
صج ياحلو سويسرا وياحلو جوها :)
والله يعينا على حر الكويت والله يجيرنا من نار جهنم اللهم آمين ..
وعن نفسي في سفرة بالصيف بس المكان مو بارد مع الأسف بس درجة الحراره فيه ماتوصل الى 56!! :)
الله المستعان
دمتي بود
اي والله من الحر أنا موقادرة أسوق سيارتي من الدوام للبيت أحس اترنح مع السيارة
ردحذفالله يعين اللي مو مسافرين هالصيف مع الحرارة العالية والكهربا اللي كل شوي قاطعة .
تسلمين
خوش صور ... ليت من يحذف جبدي بقمة هالجبل... متى ما بردت ما راح يكون عندي اي مشكلة بالحر
ردحذفبخصوص التيرامسو... ما انصح فيه خارج الكويت لأنه متروس "منكر" بس معظم الناس ما تصيد لا طعمه ولا ريحته خاصة ان نكهة القهوة تكون مغطية عليه... بس ليش اني بوليسي تلاقيني بسرعة اطيح على اي نكهة غريبة بالكيك
جندل ههههههه
ردحذفبرد عليج صح التيرامسو طريقتها تتشرب في منكر
بس في بلجيكا صادفت محل وقالولي بدون منكر
واتوقع لوير اذا طالبتها اكيد يعطونها خبر لانهم يعرفون المسلمين مايشربون الكحول
واذا صارو منحس وماعلمو .. اكيد بتحس بحرقه في البلعوم لووووووول
عورتي قلبي :(
ردحذفهههههههه هذي الكويت صلى علي النبي حلوة بحرها وبردها,تسلمين علي الصور اللي تعور القلب لوووووووول
ردحذفلازم تحرينا وتحطين هالصور
ردحذفيعني تعتقدين هالمنطقه ما فيها تلوث مثل ام الهيمان ؟؟
ولا حرارة الكويت
معقوله فيه ارض جذيه ؟!!!
(( شكله ربعنا من كثر ما يقعدون هناك و ساحبين على الكويت نسوا الجو و التلوث اللي فيها ))
عندي اقتراح لو يظللون الكويت مو جنه احسن
بس يا خوفي تصير سونا
أهلين جيزكيك :)
ردحذفصاجه نحب الكويت لومهما يكون
حر غبار رطوبه هم نحبها
بس هم التغير حلو عشان نرجع ولهانين أكثر؛p
أهلين شايونه :)
ردحذفحلوه البطاليه فيها مميزات ؛p
أهلين Engineer A :)
ردحذفمقاطعة زوغ طبيعته زووووووغه
ياحلو زيرمات ضروري تروحيله وراح تدعيلي
عندي صور موطبيعه لزيرمات أكواخه والسنتر والفنادق وعربات الخيول بس ماقدرت أحطهم لأنه انا والعايله الكريمه مرتزين بكل صوره؛p
غميضه مسافره بس موديره بارده ليش!!
أهلين مزيونه :)
ردحذفالله يكون بعونه ياشين سواقة السياره
حزة طلعة الدوامات حرررر مو طبيعي
الحمدلله على كل حال
أهلين جندل :)
ردحذفإذا حذفتي جبدج بقمة ماترهورن بتصيرين فريزر صقيع
وبالنسبه للتراميسو لاتوصين حريص انا من النوع
إلي لازم أسأل وأتأكد إنه وذاوت واين ووذات كحول
حلوه هذي بوليسي عبل انا نص بوليسي
قبل فتره وصلتني صوغه من أمريكا
ومعاها علج نقصه طعمه حلو من أبدي أعلج في يصكني راسي وجبدي تقلب شكيت بالوضع بس الخط صغير بجيسة العلج مو واضح وبعد معاناة ومكبر وتبقق عيون
طلع في نسبه من المنكر أستغر الله ؛p
أهلين كريزي :)
ردحذفسالفة المنحس وإلي مايعلمون صارت بريلي
زاغ قلبه على كيكه فيها توت وجوكليت
وماقالوله بس من أول لقمه
حس بحرقه بالبلعوم وتفله
حسبي الله عليهم غشوه ؛p
أهلين سامي :)
ردحذفحدي حزتها أكسر الخاطر؛p
أهلين نجري :)
ردحذفحياك الله بالمدونه أسعدتني مشاركتك
وي ماحطيت الصور إلي صج تعور القلب هذي الصور يعتبرون ولا شي بس باجي الصور ممنوعه من العرض لأنه انا والعايله الكريمه مرتزين بكل صوره؛p
هلا فيلسوف :)
ردحذفحياك الله بالمدونه أسعدتني مشاركتك
انا هم محتره لوووووول
من صجج أقولك 100% أوكسجينه صافي
ربعك إلي كاشتين بأم الهيمان شفناهم هناك
ساكنين بأغلى فندق بزيرمات وقاعدين بحديقةالفندق
ينطرون الباربكيو يخلص
إقتراحك مرفوض
إن ظللوا الكويت ذبنا وصرنا في خبر كانه ؛p
56@@
ردحذفلا ذبنا !!
في خــــاطري أسافر و بالذات هالمكان اللي حاطيتييييه .. أحسبه راحة نفسيه ..
ردحذفواييي لوير تصدقين اني اليوم ما داومت مالي خلق لجو بؤه استغفر الله ...الله يعينا
ردحذفهلا Made n Q8 :)
ردحذفكنا على وشك الذوبان هههههه
بس الحمدلله الغبار والرطوبه
خففوا علينا درجة الحراره
هلا AM.SA.CHANNEL :)
ردحذفأنصحج تروحين زيرمات راحه نفسيه100%
وطبيعه خلابه
وجو خيالي
وإدعيلي :)
هلا حصه أم قصه :)
ردحذفالله يكون بعونه على هالصيف
مالومج بس اليوم بالذات الجو وااايد
أحسن ماكان في شمس