الثلاثاء، ٢ فبراير ٢٠١٠

ماتكمل الفرحه إلا بإجتماع الأحبه ... فاقدينج ياكريزي

هذاك اليوم كنا متيمعين انا ورهوش وأم مشمش ونونه المزيونه

في بيت الغاليه بسمه
وهذي سفرتنا كل وحده يايبه معاها طبق
ماشاءالله كانت سفره عامره بكل ما لذه و طاب

بس ناقصتنا كريزي حبيبتي

وهذا كرسيها فاضي محد قاعدعليه:(

بعدعمري صج ولهنا عليها

طبعا دقينا عليها وكلمناها وحده وحده
ومسكينه أم مشمش أول ماسمعت صوت كريزي بجت
تقول صج ولهااااااانه عليها
هالمره طولت بروحتها ودقينه من تلفون بيت بسمه

وهذي صورت التلفون
خسرناها مكالمات
امبيييييييييييييييه

وبعد الوليمه العامره بكل ما لذه وطاب

صار وقت الحلو

مع شاي وقهوه ونعناع

طبعا بكل يمعاتنا الحلو إختصاص كريزي

بس إلحين انا وكيلتها بالكويت

ويبت الحلو بدالها

ههههههههههههههه

الكيكه هذي إسمها فكتوريا أحبه وااااايد
من شاتو دي قاتو
محلهم بالروضه
ميزتها خفيفه ولذيييييييييذه
وماشاءالله كبييييره
وعادي تحطينه بالثلاجه لي ثاني يوم
مايتغير طعمها
بس حصلت زفه من أم مشمش
تقول أحد يشتري هالنوع من الكيك
لييييييييييييييييييييييييييييييييييييييش
ماسويتيها بالبيت طريقتها وااايد سهله
قلتله إنتي ربة بيت سنعه أكثر مني
وماشاءالله طباخه
انا حبيت هالكيكه وشاريته كذا مره من قبل
وعاااادي هم بشتريها عقب هالزفه بصراااحه
طعمها لذيييييييييييذ
وسكرنا الموضوع وقعدنا نسولف بأيام الجامعه
ياحلوهاااااا من أيام
وعقب لفيت على أم مشمش
إلاإهيه ماكله قطعة الكيكه إلي قصيتلها كلها
وكانت قطعه كبييييره ماشاءالله
ضحكت وقلتله شفتي شلون إنها لذيذه ماخليتي شي
قالت هم موعذر إنج ماتسوينه بالبيت
خخخخخخخخخخخخخخخخخخخخخخخخخخخ
يعني لامفر من الزفه
تمونين ياأم مشمش
وجان زين أصير سنعه وطباخه مثلج
مع تحياتي
q8-lawyer

هناك ٢٣ تعليقًا:

  1. عليييييكم بالف عافيه حبيبتي و صج واااايد يمدحون هالكيكه بس كلش ما اتشجع اشتريها ما ادري ليش @@ يمكن نفس صديقتج ام مشمش احسهااا وايد سهلاااا:)

    ردحذف
  2. انا اللي كاتبه التعليق بس تدرين توني يديده على ما اتعلم ,, ما ادري ليش حطيت غير معرف :)

    ردحذف
  3. عليكم بالعافية وعسى بيت(ن) دايم

    :)


    صاجة فيكتوريتهم لذيذة وهم بيتي فورهم نــــاطع


    وان شاءالله تكتمل فرحتكم وتقر عويناتكم بعودة كريزي بالسلامة

    :)

    ردحذف
  4. فديييييتكم والله

    وعليكم بالف عافيه خووش عشى وخووش كيكه

    وماقصرت بسمه وصج المكالمه عجيييييبه وحبيبتي ام مشمش خنقتني العبرة لما كلمتها :(

    بس الله يهديها بنتي تسلطت وقتها وبطلت صفااارتها لوووووول


    وزين سوت فيج ام مشمش ههههههههه

    استانسي الحين وييبي الحلو لان اذا رجعت ان شالله تردين تييبين مقبلات لوووووول


    وشاندل مشكورة على الدعون الحلوة والله يسمع منج :)

    ردحذف
  5. بالعافيه عليكم

    كيكه فكتوريا سويتها مره وتنتفت وياي :(

    ردحذف
  6. السلام..

    جمعة دايمه يارب..

    وترد لكم كريزي بالسلامه ان شاءالله..

    وبالعافيه..

    ومشكوره..

    ردحذف
  7. أزال المؤلف هذا التعليق.

    ردحذف
  8. عليكم بالعافيه

    تصدقين لو اشوف الكيكه ما افكر اشتريها شنو داخلها؟

    احب اشتري كيكه ما اقدر اسوي نفسها بس هالكيكه شكلها سهله وصاجه رفيجتج :)

    وان شاءالله ترد كريزي بالسلامه وتستانسون معاها :>

    ردحذف
  9. عليكم بالعافية .. شكل الكيكة عجيب :)

    ردحذف
  10. ماشاءالله تبارك الرحمن ان شاءالله سفرة دايمة وعامرة وعسى ربي لا يفرقكم ويردلكم ((كريزي))علشان تكمل اللمة الله يسعدكم ويفرحكم ياربي والله انكم ربات بيوت من السفرة باين ومن الحلو والحلو طبعا ما يجيب الا الحلو وكل شي من ايدكم حلو عيني عليكم بااااردة

    ردحذف
  11. انشاءالله دوم مجتمعين
    عليكم بالعافية
    انا بعد بغربة حاسه فيج
    والجمعة تخفف الغربة

    ردحذف
  12. السلام عليكم اشلونكم شخباركم
    كريزي ويينج مافي جديد على الساحه الفنيه؟؟؟؟؟؟؟؟

    ردحذف
  13. مزيونه حبيبتي عسى يعنيج على الغربه ويعينا ان شالله

    رهش اعجبتني الساحه الفنيه وتوني نزلت بوست لعيوووونج:)


    اسمحيلي لوير رديت على بعض التعليقات :)

    ردحذف
  14. أهلين F2

    الله يعافيج حبيبتي
    هههههههه أكيد لأنج طباخه شاطره ماتشترينها تسوينها بنفسج:)

    ردحذف
  15. chandal/danchal

    آآآآميييين

    مشكوره على الدعوه الحلوه :)

    ردحذف
  16. أهلين دودو

    الله يعافيج

    الظاهر حتى انا لو أجرب أسويها بتنتف لما أقصها بالنص خخخخخخ

    ردحذف
  17. رورو الشخبوطه

    اللهم آآميين

    الله يعافيج حبيبتي:)

    ردحذف
  18. شاي الضحى

    يعني تضمين صوتج مع صوت أم مشمش
    هههههههههههههههههههههههههههههه

    داخلها مثل المربى وشي مثل الكريمه
    بس والله حده لذيذه

    اللهم آآميين ترجع كريزي وأذوقها هالكيكه:)

    ردحذف
  19. حنان

    الله يعافيج إي والله الكيكه حده لذيذ
    ضروري تجربينها :)

    ردحذف
  20. الزين

    حياج الله يالغاليه
    اللهم آآميين

    مشكوره على الكلام الحلو والحمدلله إنتي مجربه الكيكه وعاجبتج;)

    ردحذف
  21. مزيونه

    حياج الله:)

    ويااارب تعدي غربتج على خير وترجعين لديرتج تستقرين مع أهلج وحبايج يااااااااارب

    ردحذف
  22. رهوش حبيبتي

    إهيه إلي مقترحه عنوان هالبوست:)

    ردحذف
  23. كريزي
    ترديلنا بالسلامه يااااااارب

    بإذن الله المره اليايه إنتي معانا

    وإنسي سالفة الحلو مستحيل أخليج تيبينه إنتي إلحين تبارك الرحمن صايره طباحه وعندج حركااات بالأطباق الرئيسيه والمقبلات نبي نذوق طباخج!!

    تمونين أم مشمش أتقبل منها كل شي
    خخخخخخخخخخخخخخخخخخخخخخخخخخخخخخخ

    أشوه بنتج بطلت صفارتها علشان نختصر المكالمه خسرنا بسمه مكالمات دوليه
    لا حراام موصج بس أضحك
    لوووووووووووووووووووووووووووووووول

    ردحذف